Konsulê Amerîkayê di Podcasta Rûdawê de: Em dixwazin di sektora çandiniyê de li Herêma Kurdistanê veberhênanê bikin
Konsulê Giştî yê Amerîkayê yê Hewlêrê dibêje, wan li Herêma Kurdistanê li ser mijarên ewlehî, petrol û gazê kar kiriye. Wî got ku wan kar ji bo bihêzkirina peywendiyên bi Herêma Kurdistanê re kiriye.
Konsulê Giştî yê Amerîkayê yê Hewlêrê Irvîn Hicks roja Înê di hevpeyvîneke bi rojnamevanê Rûdawê Roj Elî Zale de ragihand, “Me 12 kompanyayên Amerîkî anîne Herêma Kurdistanê û Iraqê.”
Li gorî Irvîn Hicks yek ji mijarên ku kompanyayên Amerîkî li Herêma Kurdistanê girîngiyê didinê rêzgirtina li mafên mirovan û azadiya çapemeniyê ye.
Hicks got, “Em dixwazin bazirganên Amerîkî bizanin ku gelek derfetên kar li Herêma Kurdistanê hene.”
Konsulê Giştî yê Amerîkayê yê Hewlêrê dibêje, ji dema ku ew hatiye Hewlêrê, wan li ser mijarên ewlekarî, petrol û gazê, ji bo bihêzkirina peywendiyên Amerîkayê yên bi Herêma Kurdistanê re kar kirine.
Rûdaw: Min profîla te dixwend û dibêje tu xwe hînî Soraniyê dikî. Tu di hînbûna Soranî de çiqasî pêş ketiyî?
Irvin Hicks: Soranî zimanekî pir xweş e. Pir helbestî ye. Ji bo fêrbûna wê hewldan û lênêrîn hewce dike. Lê divê ez bipejirînim ku me bêtir bala xwe da ser vexwendina serokên payebilind ji Washington, û vê dawiyê jî li ser bazirganî û veberhênanê ye, ku bi rastî min pir wext jê re nema.
Rûdaw: Em behsa wê armanca bazirganiyê dikin. Niha ez dixwazim ... Pirseke min heye, ez dizanim tu bi zimanên din jî diaxivî, gelo Soranî zehmet e?
Irvin Hicks: Ew aloz e, ji ber ku piraniya zimanan ger mirov her roj wan bikar neyîne, gelek astengî tên pêşiya mirov. Lê kêfa min ji sohbetê re tê, mîna ku me vê sibê qehwe vexwar û em bi hev re axivîn û me bi hev re got ''noş''. Lewra [Soranî] zimanekî bêhempa ye, zimanekî xweş e.
Rûdaw: Ji min re behsa rola xwe ya li Herêma Kurdistanê bike. Ez dizanim û haya min ji hinek karên ku we û hevkarên we di dema borî de kirine heye, lê hinek ji wan karên berê yên ku dema hûn hatin Kurdistanê bo şûna Konsulê Giştî yê berê çi ne? Çend xebatên te yên berê çi ne?
Irvin Hicks: Jixwe ji karên me yên sereke yên yekemîn piştgirîkirina ewlehiya me ya neteweyî ye û karên sereke û armancên Balyoz Romanowskî ne. Ji ber vê yekê di 10 mehên borî de ku ez li vir bûm, ya ku me kiriye, berfirehtirkirin û kûrkirina peywendiyan li kêleka mijarên ewlehî û petrol û gazê ye. Niha jî em li ser zêdekirina bernameya pevguhertina çandî di nav nîqaşan de ne. Wek mînak me pere ji bo restorekirina Keleh û Deriyê Badînan li Amêdiyê veqetandiye. Her weha min derfet dît ku ez serdana Perestgeha Lalişê bikim, ku me 2.3 mîlyon dolar ji bo nûjenkirina wê veqetand.
Lê vê dawiyê em nûnerên karsazan tînin vir, li Herêma Kurdistana Iraqê û 12 kompanya hatine û hejmarek ji wan li vir bazirganiyê dikin an jî li vir dê di demeke nêzîk de bikin. Em li ser pirsgirêka guherîna avhewayê jî dixebitin. Êdî, para herî zêde, kûrkirin, berfirehkirin û bihêzkirina pêwendiyan û karkirina li ser mijarên ji bilî ewlehî û petrol û gazê ye.
Rûdaw: Baş e, te behsa nûnerên bazirganiyê kir. Bi rastî, ew pirsa min a din bû. Herî dawî me dît ku şandekê serdana Herêma Kurdistanê kir. Armanca sereke çi bû? Em dê kengî bi taybetî ji wê serdanê hin encamên berbiçav bibînin?
Irvin Hicks: Armanca sereke ew e ku amaje bi wê yekê were kirin ku kompanyayên Amerîkî giringî didin dîtina derfetên bazirganî û veberhênanê, ne tenê li vir li Herêma Kurdistanê, lê li seranserê Iraqê. Ew ji karên xwe dûr ketine û dem danîne daku werin vir û bibînin ka derfet heye yan na. Weke mînak şîrketeke me heye ku li vir li Kurdistanê stir û Blueberry û Tû diçîne. Xwaringeheke me heye bi navê Green Zone û ew hatine vir û dixwazin biharatên xwe li vir bigihînin daku di xwarinên xwe de li Washingtonê bikar bînin. Dema ku ez vegerim Washingtonê ez pir dixwazim ku biçim wê xwaringehê.
Her wiha kompanyayên me hene ku li rêyekê digerin ku veguhestina berhemên xwe ji sînor zelaltir bikin ji ber ku ew li vir dixebitin û derfeta kar dabîn dikin. Ji ber vê yekê giringtirîn pişka vê şanda veberhênan û bazirganiyê ew e ku şandina nîşaneyekê ye ji bo Hikûmeta Herêma Kurdistanê û civaka karsazên me yên li Amerîkayê bizanibin ku li vir gelek derfet hene û liv û tevgera Hikûmeta Herêma Kurdistanê heye. Weke mînak herî dawî Desteya Veberhênanê çalakiya “Li Kurdistanê Veberhênanê Bike” kir. Ew çalakî dema ku şandeyên bazirganiyê li vir bûn hate kirin ku demeke pir baş bû. Me got ku demeke baş e û cihekî baş e ku şanda me li wir be. Ev cidiyeta kompanyayan nîşan dide. Ji ber vê yekê ev gava yekem a wê ye û em bi hewes in ku ew pêvajoyeke berdewam be ku kompanya serdanê bikin.
Rûdaw: Baş e, ez dizanim dibe ku ji bo nirxandina serdanê hinekî zû be lê li Herêma Kurdistanê çawa hat pêşwazîkirin? Kompanyayên li Amerîkayê dê çawa bên têgihîştin ku li Herêma Kurdistanê jîngeha veberhênanê heye?
Irvin Hicks: Koma ku hat vir, Encûmena Bazirganiyê ya Amerîka-Iraqê, bi rêya Odeya Bazirganiyê ya Amerîkayê hat. Ne tenê li Bexdayê, li vir jî li Herêma Kurdistanê pêwendiyeke demdirêj heye.
Lewma yek ji wan karên ku me di 10 mehên borî de kiriye, damezrandina tora Odeya Bazirganiyê ya Amerîkayê û karkirina bi şaxê Kurdistanê yê Odeya Bazirganiyê ya Amerîkayê ye. Me torek ava kiriye ku tê de Odeyên Bazirganiyê yên Duhok, Helebce, Silêmanî û Hewlêrê hene. Di serdanê de şandeya bazirganiyê bi karsazan re hevdîtin kir. Em ne tenê li Hewlêrê wek navendeke derfetan dibînin ji bo dîtina derfetan li hemû herêmê dinêrin. Lê ev kom taybetî bala xwe didene ser karsaziya çandiniyê. Ya rast ev e ku Bakur berê selika xorakê ya tevahiya Iraqê bû û potansiyel û derfetê nîşan dide. Amerîka her weha xwedan sektorek çandiniyê ya bihêz e ku dê derfetekê peyda bike ka ew dikarin bibin rêya teknolojiyê û hilberên Amerîkayê derxînin û her weha berhemên çandiniyê yên bazirganiyê ji Amerîkayê re bişînin.
Rûdaw: Konsepteke ku min her dem bihîstiye, ji dema şande li vir bû ve “kêlge bo çetal” bûye. Li kîjan deveran ji bo veberhênana kompanyayên Amerîkayê derfet an jîngehên guncav hene? Ji ber vê yekê ez dixwazim heke hûn dikarin, hinekî bi kûrahî biaxivin ka çima jê re " kêlge bo çetal " tê gotin?
Irvin Hicks: Ya girîng ku meriv lê binihêre ew e hemî pêvajoyê rast ji pêşkeftina berheman bigire heta xwedîkirina ajelan, karûbarên beytariyê ne. Kompanyayên me serdana kargehên berhemên şîrî yên ku mast û penîr çêdikin kirin ku derfetên kar jî tê de hene. Her wiha serdana berhemên çandiniyê jî kirin, di nav wan de Pepsi jî heye ku zêdetirî 1000 karmend li Silêmaniyê hene û zêdetirî 20,000 ton cîpsa kartolan çêdike. Niha dixwazin karûbarên xwe di warê garisan de berfireh bikin ji bo cîpsa garis ê Doritosê. Ev hemû têne wateya derfeta kar.
Kompanyayeke me ya biçûk a teknolojiya avdanê heye û ew ê ji bo vir pir bikêr be. Ew nema hewayê digire û li gorî teknolojiyên pêşkeftî erzan e lê ew ê ji bo gelek cotkarên ku bi berdewamî çandiniyê re mijûl dibin pir bikêr e. Her weha me navendeke bernameya cîhanî heye ku şewirmendiya hikûmetan dike ka meriv çawa derdora veberhênana xwe baştir dike.
Ji ber vê yekê berhevkirina van hemû toran û avakirina van têkiliyan, hemû derfetên niha ji bo avakirina paşerojê li ser aramiyê, ev gavên “hêdî hêdî” yên ber bi beşdariya demdirêj ve ne. Em hêvîdar in veberhênana zêdetir hebe ku ji Herêma Kurdistanê û Iraqê şandeyên bazirganiyê biçin Amerîkayê. Em li hevkariyê digerin, em li derfetên veberhênana bazirganiyê digerin.
Rûdaw: Ev demek e Herêma Kurdistanê li veberhênana Amerîkayê digere û ew jîngeh ji bo bazirganiya çandiniyê her hebûye, çima em ji aliyê Amerîkayê ve niha van hewlan dibînin ku hinek kompanya bibin û bizanibin dikarin li wê herêmê çi bikin û veberhênanê bikin? Lê pirsa min ev e, di bingehê de çi hatiye guhertin?
Irvin Hicks: Di vê rewşa diyarkirî de, divê em pîrozbahiyê li Serokwezîr Mesrûr Barzanî bikin ku girîngî da pirrengiya aboriyê, bi taybetî di warê bazirganiya çandiniyê de. Ev jî ji guftûgoyên ku wî berî salekê bi Odeya Bazirganiyê ya Amerîkayê re kiribû. Ji ber vê yekê ev fikra bû handerê şandeke bazirganiyê berî ku ez wekî konsulê giştî bême vir. Piştî wê jî ji aliyê Ofîsa Serokwezîrê Herêma Kurdistanê ve destpêşxeriyek hebû û bi taybetî sektora taybet yan jî sektora taybet bihêz vexwendiye. Ême jî li Amerîkayê teknolojiya me heye û giringiyê didinê ji ber ku sektoreke me ya karsaziya çandiniyê ya pir bihêz heye.
Ji ber vê yekê me dît ku rêyeke mezin ji bo nêzîkkirinê û hevkariyê heye, jîngeheke balkêş heye, Hikûmeta Herêma Kurdistanê jî gotiye li kêleka petrol û gazê pêwîstî bi pirrengkirina aboriyê jî heye. Ev di berjewendiya me de bû, me hewl da ku derdora veberhênanê baştir bikin û tam wiha bû û serdaneke bêhempa bû.
Rûdaw: Pir baş e, Herêma Kurdistanê dikare çi bike ji bo hêsankirina jîngeha kar, bi taybetî ji bo ku kompanyayên Amerîkî werin û li Herêma Kurdistanê veberhênanê bikin?
Irvin Hicks: Yek ji wan têbîniyên ku kompanyayan kirine li ser pêwîstiya hebûn, zelalî û çawaniya xebatê ye. Ji bo destpêkirina malpera “Invest Kurdistan” pîrozbahiyê li Serokwezîr û Hikûmeta Herêma Kurdistanê dikim. Hûn dikarin her tiştî li cîhekî bikin da ku hûn bizanibin ka xwestek û prosedur çi ne. Ger hûn li veberhênanê digerin, an jî niha veberhênanê dikin. Ya duyemîn, divê garantiyek hebe gava hûn veberhênanê bikin, hûn ê pereyê xwe vegerînin.
Ger hûn xizmetguzarî û berhemê peyda bikin, hûn pereyê xwe paşde vegerînin ku ev pir girîng e. Lêbelê, aliyekî din ê dibe ku rasterast xuya nebûbe, girîngîdayîna mijarên rêzgirtina mafên mirovan û her wiha azadiya rojnamegeriyê ye.
Xwedî pere û kompanya li çaraliyê cîhanê li cîhekî veberhênanê digerin. Dema ku aramî, zelalî, hewla ji bo çareserkirina gendeliyê hebin, dema garantiyê wê hebe ku hûn ê ji bo karûbarên ku hûn pêşkêş dikin pereyê xwe vegerînin, ew derdorekê çêdikin ku hîsedar razî bibin bi mîlyonan û carinan bi mîlyaran dolar veberhênan bikin. Ji ber vê yekê pir girîng e. Di heman demê de girîng e kompanyayên ku li vir bi mîlyaran dolar veberhênanê di sektora neftê de kirine wî pereyî werdigirin ji bo karûbarên ku pêşkêş dikin.
Rûdaw: Bi rastî jî balkêş e. Hûn dibêjin ku kompanya an jî bazirgan berovajî tiştên ku têne qebûlkirin, li ku derê derdoreke veberhênanê ya guncav dibînin, ne tenê li pereyan lê li mafên mirovan, azadiya çapemeniyê û warên din re jî digerin. Lê eger em behsa peredayînê bikin, fînansekirina kompanyayan, kompanyayên Amerîkî hene ku li Herêma Kurdistanê veberhênan kirine lê hinek astengî hebûn. Yanî min ji bo çareserkirina van pirsgirêkan roleke berçav ji Amerîkayê nedîtiye. Çima Amerîka hewl nade ku hinek zext zêde bike da ku van hikûmetan bihêle ku pirsgirêkan çareser bikin ku em hemû dikarin jê sûdê werbigirin?
Irvin Hicks: Dîplomasiya bi bandor ne hewce ye ku li derve be, were dîtin, girîngî bê dayîn. Ji ber wê jî tenê ez dixwazim bêjim ku em kêşeyan bi hikûmetê re tînin ziman, haya me ji kêşeyên budceyê heye û em dilxweş in ku hikûmet bi erkên xwe yên darayî ve girêdayî ye û li ser pirsgirêk û astengiyên budceyê li xwe mikur tê. Lê di heman demê de di encama van guftûgoyan de, bi taybetî di navbera Hikûmeta Herêma Kurdistanê û van kompanyayên taybet de ku em kar dikin vê pirsgirekê nîşan bidin û fişaran bikin. Ew ne tenê di warê dayîna pereyan ji bo xizmetguzariyên ku hatine dayîn girîng e her wiha kompanya di nav xwe de diaxivin ku em li pişt bazirganiya çandiniyê li pirrengiyê digerin. Kompanyayên din jî dixwazin werin vir. Yek ji wan tiştên ku ew ji kompanyayên ku hatine damezrandin dipirsin ev e ku vegera di veberhênanê de çiqas e? Gelo pereyên we didin? Ev yek ne tenê di derdora veberhênanê ya li vir li Herêma Kurdistanê, li Iraqê bi giştî wisa ye.
Ger hûn pereyan nedin, kompanya pereyan wernegirin, ew dê veberhênana xwe nedomînin. Ji ber vê yekê ew tê paldan û pêşde diçin, nemaze niha ku rêkeftinek li ser budceyê heye. Em li bendê ne ku ev mijar bi taybetî bi van kompanyayan re danûstandin li ser bêne kirin lê ew dikarin piştrast bin ku Hikûmeta Amerîkayê, Balyozxaneya Amerîkayê, Konsulxaneya Amerîkayê û em hemû dîplomasiyê bi kar tînin da ku li ser van mijaran bixebitin.
Rûdaw: Tu dizanî, ez hîn li ser wê beşê difikirim ku tu dibêjî mafên mirovan ji bo kompanyayan jî pirsgirêk e an jî dixwazin jîngeheke baştir ji bo mafên mirovan bibînin. Çima kompanyayek ku tenê bi kirina bazirganiya xwe re eleqedar e, bala xwe dide rewşa mafên mirovan?
Irvin Hicks: Tiştê ku kompanyayên Amerîkî bi tevahî ji kompanyayên li welatên din cûda dike ew e ku sînorên wan ên bêdawî hene lê ew di heman demê de dizanin ku şêwaza jiyanê, hewldana ji bo bextewariyê û jîngehek bi îstîqrar rê li ber jîngeheke bi qezenc vedike. Kompanya an jî welat hene ku mafên mirovan paşguh dikin û tenê li ser qezencê disekinin. Lê ez bi serbilindî dibêjim ku em, Amerîka, girîngiya jiyanê di peydakirina bextewariyê de dinirxînin. Ew ne tenê li Amerîkayê li seranserê cîhanê be.
Rûdaw: Dema em behsa mafên mirovan dikin, mixabin li deverên cuda yên cîhanê gelek pênaseyên cuda hene. Mafên mirovan çi ne? Kompanya dixwazin li Herêma Kurdistanê çi pêşketinan di mafên mirovan de bibînin?
Irvin Hicks: Bihêle ez mînakekê bidim we ku bandora hebûna kompanyayan di ku de ye. Di serdema Apartheidê de li Afrîkaya Başûr, kompanyayên pirnetewe rolek sereke lîstin, wek nimûne, piştrast kirin ku pergala cihêkarî û nijadperestiyê nekeve nav kompanyayên wan û li ser bingeha merîfetê be. Li cîhê ku we veberhênanên we yên mezin hebin, pêkhênerekî berpirsiyariya civakî heye ku pereyên ku li wî cihî hatiye diyarkirin an li welatî bi taybetî tê peydakirin dîsa li dibistan û perwerdehiyê têne xerckirin da ku wan aliyan piştrast bikin.
Hûn dibînin ku kompanyayên rewşenbîr wê hewcedariyê girîng digirin ku sînorên dawî derbas nekin. Ew, xerckirina pereyan ji bo wan civakan û piştrastbûna ji hêza kar a xwendekar ku dikarin wan bi kar bînin û piştrastbûna parastina jîngehê pir girîng e. Bi taybetî di serdema guherîna keşûhewayê de. Ji ber vê yekê hûn wê rewşenbiriyê dibînin.
Ji ber vê yekê ez gelek serbilind im ku kompanyayên Amerîkî û kompanyayên din ên rojavayî lê Amerîkî bi taybetî, van pirsan tînine ziman, ji ber ku endamên desteya rêveberiya wan, hîsedarên wan, van pirsan dikin ku ne tenê li ser qazancê ne. Her wiha divê em bibin hevkarên baş û cîranên baş, ji ber ku ew derfetên veberhênana demdirêj û têkiliyên demdirêj li cihê ku ew dixwazin veberhênanê bikin diafirîne.
Rûdaw: Ez dixwazim vegerim ser şandeyê lê berî wê, ez beşa duyem a pirsa xwe ya berê bikim ku dema ez li Washingtonê bûm, gelek caran ji bo civînên rojnamevaniyê diçûme Wezareta Derve. Her carê min pirsek dikir, bersiv ew bû ku ew dixwazin herêmeke Kurdistanê ya bihêz di nava Iraqeke yekgirtî de hebe. Gelo ew xwesteka hîn jî wek xwe ye yan em ji ber pirsgirêkên li Iraqê westiyabûnekê di Amerîkayê de dibînin?
Irvin Hicks: Bi ti awayî. Bi rastî jî vê hefteyê berdevkê me yê Wezareta Derve daxuyaniek da ku heman tişt digotin. Ew nehatiye guhertin. Bi rastî peywendî xurt dimînin. Weke ku min behs kir, serdanên fermî dê zêde bibin û bi kêmanî şandeke kongresê û nûnerekî payebilind yê USAID dê di hefteyên pêş de serdan bikin. Çend hefte berê rayedarekî payebilind ê Pentagonê li vir bû. Alîkarê Wezîrê Derve û Balyozê me li vir bûn û li vir bi rayedarên payebilind re hevdîtin kirin. Ez ji konsolosxaneyê re dibêjim ku rayedarên payebilind ên Washingtonê serdanê dikin. Ew pir bi hêz e. Niha bazirganî û veberhênana me heye û ev jî beşek e ji pêşwaziya ji bo serdanan dikin. Ez dibînim ku ew peywendiyeke xurt û berdewam e.
Rûdaw: Em vegerin ser şandeyê. Çi sektorên din hene ku kompanyayên Amerîkî li wan binêrin, bi taybetî sedema ku ez vê pirsê dikim enerjiya nûjen e. Kompanyayên Amerîkî dikarin di warê veberhênanê ya enerjiya nûjen de çi bikin?
Irvin Hicks: Bi xwe hin tiştên ku me heta niha kirine ev e ku kompanyayên enerjiya rojê hene ku li vir peywendiyên wan hene, di mînaka Burger King de, ku bi tevahî li ser enerjiya rojê tê xebitandin. Paşê jî şarjêrek ji bo otomobîlên elektrîkê heye ku ez dizanim li Iraqê yekane ye. Em li pirsgirêkên şewatê yên ku bi milyonan dolar zirarê digihînin û atmosferê qirêj dikin dinêrin û mijûl dibin. Her wiha parastina enerjiya nû û av û parastin û birêvebirin. Di meha Tebaxê de em ê mêvandarîya 25 Iraqî bikin ku 7 ji wan xelkê Herêma Kurdistanê ne ku di meha Tebaxê de dê biçin Amerîkayê ji bo agahdarî li ser birêvebirina avê û parastina avê. Ne şaş bim Colorado dê bibe yek ji sê cihên ku ew ê biçin.
Ev ê di wê têkiliyê de gavên destpêkê bin. Balyoz Romanowski ev yek kiriye serekî ku kêşana kompanyayên kesk ji bo hatina Iraqê û anîna teknolojiyê, naskirina baştirîn rêyên bikaranîna enerjiya nûjenkirî û her wiha parastina avê û guherîna keşûhewayê ne.
Herî dawî me bi berpirsekî bilind ê Hikûmeta Herêma Kurdistanê re hevdîtin kir û wî got ku dê planeke stratejîk were dayîn û nîgeraniyên herî mezin ên hikûmetê yên li ser keşûhewayê radixe ber çavan. Hin endamên konsulxaneyê jî li wir bûn. Ji ber vê yekê em dikarin wê vegerînin hikûmeta xwe da ku bibînin ka em dikarin li ku derê bibin alîkar.
Rûdaw: Ez dizanim şanda ku li vir bû, çend meh in ji bo vexwendina Herêma Kurdistanê amadekarî kiribûn. Gelo ev serdan tenê geşteke bazirganî bû ji bo ku kompanyayên Amerîkî li veberhênana li Herêma Kurdistanê binêrin û karsazên Kurd û Iraqî bibin Amerîkayê, yan peyameke siyasî di wê serdanê de hebû?
Irvin Hicks: Bi rastî ew ne peyameke siyasî bû lê em wek Hikûmeta Amerîkayê nikarin zorê li kompanyayên taybet û giştî yên Amerîkî bikin ku li ku derê veberhênanê bikin. Dema ku berjewendî hebe em dikarin hêsankariyê bikin. Ji ber vê yekê ez dibêjim, peyameke siyasî tê de nebû, ew peyameke bazirganiyê bû. Rikeberî ji bo veberhênana Amerîkayê milmilaneyeke xurt e ji ber ku ne tenê li Rojhilata Navîn, li seranserî cîhanê ye. Ji ber vê yekê gava ku hûn 12 kompanyayên bînin û karên bazirganiyê ji wan re bigirin ku werin û sê rojan derbas bikin da ku bibînin û fêr bibin ka hikûmet divê çi bike da ku ew bibe cîhekî balkêş ji bo veberhênanê, ev pir girîng e. Dema ku vedigerin ew bi kompanyayên din re jî diaxivin.
Wekî ku min berê behs kir, em li kêleka bazirganiya xwe ya çandiniyê li pirrengiyê dinêrin lê ew destpêkeke pir girîng e ji ber ku ew ji bo hikûmetê di warê pirrengiya aborî de pêşînek e. Ji ber vê yekê em dixwazin bibin hevkar lê dê deverên din jî hebin, nemaze di mijarên teknolojiya kesk û pirsgirêkên keşûhewayê de ku em tê de pir bihêz in.
Rûdaw: Dema min ji bo pirsekê maye. Min hevaltiya şandeke Kurdî kir ku ji Duhokê çûbûne Floridayê, bi taybetî Gainesville. Me serdana çend zankoyan kir. Zanko li ser bazirganiya çandiniyê gelek lêkolîn dikirin. Ji wan tiştên ku ez li wir fêr bûm û mamosteyan jî jê hez dikirin ew bûn ku Herêma Kurdistanê xwedî keşûhewayeke pir cuda ye û ji Florîdayê pir cuda ye lewma dibe ku bikaribin hin lêkolînên ku li vir dikin li Herêma Kurdistanê bikin. Sedema ku ez behsa vê dikim ew e ku li wir çi derfet ji bo bazirganên Kurd hene? Dibe ku rojekê bikaribin ji bo Amerîkayê hinardeyê bikin. An jî hinek ji wan tiştan çi ne ku... ne di demeke nêzîk de lê dibe ku di pêşerojeke dûr de... ku kompanyayên Kurdî bikaribin ji bo bazara Amerîkî li ser bixebitin?
Irvîn Hicks: Yek ji endamên şandeya bazirganiyê ji Wezareta Çandiniyê ya Amerîkayê bû. Tîm li Qahîreyê ye. Tiştê ku di wê serdanê de alîkar û girîng bû ew bû ku pêdiviya me ya hinardekirinê ji şandina berhemên xorakê ji Amerîkayê re çi ne. Ew destpêk e û em dizanin ku eşkere ye standardên me yên pir bilind hene û paşê pêkanîna wan hewcedariyan tê û paşê ji bo derfeta hinardekirina berhemeke diyarkirî peywendî têne danîn.
Ji ber wê jî xwaringeheke me ya bi navê Green Zone heye ku dixwaze berhemên Herêma Kurdistanê ji bo xwaringeha xwe hawirde bike. Lê ji bo berhemhêneran kontrola kalîteyê bi temamî, veguhestin û hinardekirinê heye û hûrguliyên wan ên pir girîng hene ku werin famkirin.
Li ser mijara zankoyan min herî dawî bi Serokê Zankoya Selahedînê, Zankoya Polîteknîk û Wezîrê Xwendina Bilind re hevdîtin kirin. Wan ji me re got ku ew dixwazin bala xwe ji hînkirinê ber bi lêkolînê berfireh bikin. Ji ber vê yekê em derfetan datînin ku em van zankoyan bi zankoyan Amerîkayê bidin nasîn, bi taybetî li Tennesseeyê, ji ber peywendiyên nû yên destxwişkiyê yên di navbera Hewlêr û Nashville de hene lê ew xala destpêkê ye. Têkiliya Gainesville bi Duhokê re heye. Ez dizanim ku li Silêmaniyê daxwazeke danîna destxwişkiyê heye. Ji ber vê yekê em ê di meh û salên pêş de li ser bisekinin.