Xelatên 75emîn Festîvala Fîlman a Cannesê hatin belavkirin

Hewlêr (Rûdaw) - Di 75emîn Festîvala Fîlman a Cannesê de fîlmê derhênerê Swêdî Ruben Ostlund ê bi navê Sêgoşeya Xemgîniyê (Triangle of Sadness) Xelata Palmiyeya Zêrîn wergirt.

75emîn Festîvala Fîlman a Cannesê ku îsal li bajarê Cannesê yê li başûrê Fransayê hat lidarxistin, bi merasîmekê bi dawî bû.

Xelat bi serokatiya lîstikvanê Fransî Vincent Lindon ve ji aliyê jûriyeke ji 9 kesan ve hatin diyarkirin û di merasîma girtinê ya ku roja Şemiyê li Şanoya Grand Lumiere ya li Cannesê hat lidarxistin de xelat hatin dayîn.

Fîlmê Ruben Ostlund yê bi navê Sêgoşeya Xemgîniyê (Triangle of Sadness) Xelata Palmiyeya Zêrîn û Chan Wook Park jî bi fîlma xwe ya bi navê “Decision to Leave” xelata derhênerê herî baş wergirt.

Herwiha Xelata Grand Prix, ku tê wateya duyemîn, di navbera fîlmên Close (Lukas Dhont) û Stars at Noon (Claire Denis) de hat parvekirin.

Xelatên 75emîn Festîvala Fîlman a Cannesê wiha ne:

Xelata Palmiyeya Zêrîn: Triangle of Sadness (Derhêner Ruben Ostlund

Xelata Mezin a Juriyê: Close (Derhêner Lukas Dhont) û Stars at Noon (Derhêner Claire Denis)

Xelata Juriyê: The Eight Mountains (Derhêner Felix van Groeningen & Charlotte Vandermeersch) ve EO (Derhêner Jerzy Skolimowski)

Derhênerê Herî Baş: Park Chan-Wook (Decision to Leave)

Lîstikvana Jin a Herî Baş Zar Amir-Ebrahimi (Holy Spider)

Lîstikvanê Mêr ê Herî Baş: Song Kang-ho (Broker)

Senaryoya Herî Baş: Tarik Saleh (Boy From Heaven)

Xelata Taybet a Salvegera 75emîn: Tori and Lokita / Tori et Lokita (Derhêner Jean-Pierre Dardenne ve Luc Dardenne)

Di beşa Kurtefîlman de xelata Xelata Palmiyeya Zêrîn derhênerê fîlmê 'The Water Murmurs' Jianying Chen wergirt.