Çand û Huner
Sempozyûma Navneteweyî ya 3yemîn a Feqiyê Teyran û Mîrasa Wî dê 30ê Gulanê bi dawî bibe.
Hewlêr (Rûdaw) – Li parêzgeha Wanê ya Bakurê Kurdistanê "Sempozyûma Navneteweyî ya 3yemîn a Feqiyê Teyran û Mîrasa Wî" ku bi hevkariya Zanîngeha Wan Yuzuncu Yilê (YYU) û Şaredariya Bajarê Mezin a Wanê tê lidarxistin, dest pê kir.
Ji bilî ji welatên cuda, li ser asta Tirkiye û Bakurê Kurdistanê 60 akademîsyenên ji zanîngehên cuda û her wiha xwendekar beşdarî sempozyûmê bûn ku li salona konferansê ya Fakulteya Zanistên Îqtisadî û Îdarî ya Zanîngeha Wan Yuzuncu hat lidarxistin.
Rêvebirê Giştî yê Zanîngeha Wan Yuzuncu Prof. Dr. Hamdullah Şevlî di merasima destpêkirina sempozyûmê de axivî û diyar kir ku ew kêfxweş û bi kelecanî ne ku mazûvaniya sempozyûmê dikin ku dê 3 rojan bidome.
Biryar e Sempozyûma Navneteweyî ya 3yemîn a Feqiyê Teyran û Mîrasa Wî di 30ê Gulanê de bi dawî bibe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse