Stranbêja Kurd Alîn serdana Herêma Kurdistanê kiriye
Hewlêr (Rûdaw) – Stranbêja ji Rojavayê Kurdistanê Alîn niha serdana Başûrê Kurdistanê kiriye û amadekariyi ji bo berhemên hunerî yên nû dike. Karê stranan temam bûye û li Hewlêrê dîmen hatine tomarkirin û berhem niha di qonaxa montajê de ne û biryar e di demeke nêzîk de bêne belavkirin.
Stranbêja Kurd Alîn ji Rûdawê re ragihand ku di serdana xwe ya bo Kurdistanê de du berhemên folklorî, sirûdeke li ser pêşmerge û sirûdeke netewî tomar kiriye ku yek ji wan nivîs û awaz a Aram Tigran bûye ke û ewên din jî nivîs û awas ji aliyê Rênas Mîran ve hatine amadekirin.
Alîn diyar kiir ku ji bo her çar berhamn jî li Hewlêrê dîmen hatine tomarkirin û dixwaze ji bo berhemên din li Swêd, Almanya û Îmaratê dîmenan tomar bikin.
Piştî çend salan ji bêdengiyê Alîn vegeriya ser karê xwe yê hunerî û eşkere kir ku ji ber sedemên taybet û belavbûna Corona û rewşa ewlekarî ya Kurdistanê karê xwe yê hunerî rawestandî bû.
Alîn, ji xelka Dêrikê li Rojavayê Kurdistanê ye û niha li Almanya dijî û bi Xêro Ebas re strana Mihemed Şêxo ya “Min bihîstî tu nexweş î” gotibû piştre jî navê bêhtir hatibû naskirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse