Konsera Metîn û Kemal Kahraman dîsa hat qedexekirin

Hewlêr (Rûdaw) - Rêveberiya Ewlehiyê ya Çewlîgê konsera hunermendên Kurd Metîn û Kemal Kahraman betal kir.

Hunermendên Kurd Metîn û Kemal Kahraman dê îro li parêzgeha Çewlîgê konserek li dar bixista.

Metîn û Kemal Kahraman ku birayên hev in piranî bi muzîka Kurdî ya zaravayê Kirmanckî/Zazakî tên naskirin.

Metîn û Kemal Kahraman li ser hesabê xwe yê tora civakî ragihand ku Rêveberiya Ewlehiyê ya Çewlîgê konsera wan betal kiriye û ji ber wê yekê ji hezkiriyên xwe daxwaza lêborînê kir.

Derbarê sedemên hilweşandina konserê de ti zanyarî nehatine dayîn.

Metîn û Kemal Kahraman li ser hesabê xwe yê tora civakî ragihand

Berî niha jî li çend parêzgehan konserên her du hunermendên Kurd hatibûn qedexekirin.

Metîn û Keman Kahraman 10ê Sibatê rêzekonserên xwe li Stenbolê dabûn destpêkirin û biryar e heta dawiya vê mehê li çend parêzgehan konseran saz bikin.

Dîroka konserên wan ên mayî wiha ye:

• 22yê Sibatê, Wan
• 23yê Sibatê, Amed
• 24ê Sibatê, Dêrsim
• 25ê Sibatê, Xarpêt
• 28ê Sibatê, Enqere
• 

  Konserên wan ên mayî

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger