Li Efrînê pêşangeheke bi navê "Êş û Hêvî" hat vekirin
Hewlêr (Rûdaw) - Li bajarê Efrînê yê Rojavayê Kurdistanê 30 mamoste û xwendevanên şêwekariyê pêşangehek bi navê “Êş û Hêvî” vekirin, di pêşangehê de 45 tabloyên taybet bi qurbaniyên erdheja 6ê sibatê hatin nîşandan.
Li Navenda Harmonî ya li bajarê Efrînê pêşangeheke tabloyan ji bo 30 mamoste û xwendevanên şêwekariyê hat vekirin.
Di vê pêşangehê de 45 tabloyên taybet bi erdhejê û qurbaniyên wê hatine nîşandan.
Gulistan Bozo ku mamosteya şêwekariyê ye û di pêşangehê de beşdar e, dibêje, wê tabloyên xwe li ser karê hêzên berevaniya Sivîl yên Sûrî çêkirine.
Di pêşangehê de hejmareke zêde ya xelkê Efrînê, encûmena Sivîl a Efrînê beşdar bûn.
Navê pêşanghê Êş û Hêvî ye, Şêwekar Rojîn Osman dibêje, wan ev nav ji bo pêşangehê hilbijart da ku hêviyekî bi xwelkê Cindirêsê û Efrînê bidin.
Şêwekarên Efrînê bi vê pêşangehê xwestin êşa malbatên ziyandîtiyên erdhejê nîşanî cîhanî bidin.
Di erdheja 6ê sibatê de tenê li Herêma Efrînê ya Rojavayê Kurdistanê zêdetirî hezar û 120 kesan canê xwe ji dest dabûn, bi sedan avahî wêran bibûn, heta niha jî bi hezaran malbat di bin çadiran de dijîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse