Tîmeke Tora Medyayî ya Rûdawê li Cannes amade ye
Hewlêr (Rûdaw) - 72yem Festîvala Fîlman a Cannesê ya Navneteweyî bi fîlma The Dead Don’t Die ya Jim Jarmusch dest pê dike
Peyamnêra Rûdawê Alla Şallî ragihand ku îro Sêşemê (14.05.2019) li bajarê Cannes yê Fransayê 72mîn xula festîvala navdewletî ya Cannes destpê dike, amadekariyên festîvalê temam bûne û sînemakar gihîştine bajarê Cannes.
Festîval bi filmê The Dead Don’t Die ku filmekî Amerîkî ye û ji derhênana Jim Jarmusch e, dest pê dike. Filmê The Dead Don’t Die filmekî komedî ye û dema wî saetek û 43 xulek in, behsa zindîbûna miriyan li bajarokekî Amerîka dike.
Merasîmên xalîçeya sor saet 20.30 bi dema Kurdistanê destpê dike. Festîval ji îro heya 25 vê mehê berdewam dibe û 21 film ji xeynî filmê destpêkê, hevirkiyê li ser xelatên festîvalê dikin, sê ji wan filman Amerîkî ne.
Tîmeke Tora Medyayî ya Rûdawê li Cannes amade ye û wê rûmala festîvalê bike.
Derhênerê meksîkî Alejandro Gonzalez Inarritu weke serokê jûriyê hatiye diyarkirin. Endamên din ên juriyê lîstikvana amerîkî Elle Faning, lîstikvan û derhênera Burkina Maimouna N’Diaye, derhêner û senarîsta amerîkî Kelly Recihardt, derhêner û senarîsta îtalî Alice Rohrwacher, nivîskarê xêzeromanan û derhênerê fransizî Enki Bilal, derhêner û senarîstê fransizî Robin Campillo, derhener û senarîstî yûnanî Yorgos Lanthimos û derhênerê polonyayî Pawel Pawlikowski ye.
Filmên bikevin pêşbirkê ev in:
The Dead Don't Die - Jim Jarmusch
Dolor y Gloria - Pedro Almodóvar
Il Traditore - Marco Bellocchio
Nan Fang Che Zhan De Ju Hu - Diao Yinan
Gisaengchung - Bong Joon Ho
Le Jeune Ahmed - Jean-Pierre Dardenne&Luc Dardenne
Roubaix, Une Lumiere - Arnaud Desplechin
Atlantique - Mati Diop
Matthias et Maxime - Xavier Dolan
Little Joe - Jessica Hausner
Sorry We Missed You - Ken Loach
Les Miserables - Ladj Ly
A Hidden Life - Terrence Malick
Bacurau - Kleber Mendonça Filho & Juliano Dornelles
La Gomera - Corneliu Porumboiu
Frankie -Ira Sachs
Portrait de la Fille en Feu - Céline Sciamma
It Must Be Heaven - Elia Suleiman
Sibyl - Justine Triet
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse