Hewlêr (Rûdaw) - Hunermendê navdar Mem Ararat berhema xwe ya bi navê "Te Dilê Min Şikand" belav kir.
"Te Dilê Min Şikand" bi rêya YouTube û platformên din ên dijîtal hat belavkirin.
Di nava 17 saetan de 28 hezar kesan li stranê guhdarî kir.
Gotin û muzîka stranê yên Mem Ararat in.
Gelek albumên Mem Ararat hene û li Tirkiye û Bakurê Kurdistanê konseran dide.
Gotinên stranê bi vî awayî ne:
“TE DILÊ MIN ŞIKAND
Ew sebra weke behran
Ziwa bû te miçiqand
Destên min li ser dilê min hur hurî bû ji xeman
Hurhurî bû ji xemam
Te dilê min pir şikand
Te dilê min kûr şikand
Gelek çiya hedimîn ji korbûna dildaran
Eyloyên bêminet jî xwe rûçikandin li ezman
Hezkirina min bêdawî ye lê te ez gelek westandim
Êdî ruyê min li çiya ye
Te dilê min pir şikand
Hezkirina min bêdawî ye lê te ez gelek westandim
Êdî ruyê min li ba ye
Te dilê min pir şikand
Te dilê min kûr şikand
Bêheyf bû kulmek hinar
Bêheyf bû ked û xwêdan
Lavlavkek im çilmisîm li ber hemû dîwaran
Bi gotinên wek xenceran
Te dilê min pir şikand
Bi awirên wek xenceran
Te dilê min pir şikand
Dizanim tu fam nakî çawa diderize zeman
Dizanim tu fam nakî çawa diderize ezman
Qet nebe vê bizane, ji te hezdikim weke dînan
Ne bi carekê de şikestim, hêdî hêdî pir caran
Dibe ku ne bi qest be lê te dilê min pir şikand
Te dilê min kûr şikand
Eferim ji te re…”
#MemArarat berhema xwe ya bi navê "Te Dilê Min Şikand" belav kir pic.twitter.com/rc3Mquk9HT
— RudawKurdi (@RudawKurdi) March 14, 2024
Li hêla din kesên ku keda wan di amadekirina stranê de heye ev in:
Gotin û Muzîk: Mem Ararat
Aranje: Mem Ararat
Perkusyon: Denîz Pektaş
Edît: Denîz Pektaş
Gîtara Klasîk: Îlkan Pala
Gîtara Bas: Denîz Înal
Têmbûr û Sêtêl: Huseyîn Can Pala
Keman: Serdar Baba
Tomarkirin: Denîz Pektaş, Mem Ararat
Mîks û Mastering: Nîhad Jemsher
Vîdeo: Robîn
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse