Pirtûka `Hêsirên Roboski Uludereyê` derket

Hewlêr (Rûdaw) - Pirtûka “Roboski Uludere`nin Gozyaşlari” (Hêsirên Roboski Uludereyê) ya Parlamenterê CHPê Levent Gok hat weşandin.

Hiqûqnas û Parlamenterê CHPê yê Enqerê Levent Gok, ku “Endamê Komîsyona Lêkolîna Uludereyê ya Parlamentoya Tirkiyê” bû, derbarê bûyera Roboskiyê de pirtûkek bi navê “Roboski Uludere`nin Gozyaşlari” (Hêsirên Roboski Uludereyê) nivîsand.

Pirtûka (Hêsirên Roboski Uludereyê) ji 194 rûpelan pêk tê û ji Weşanxaneya Îmgeyê derket. Firotina pirtûkê li ser platformên sosyal medyayê destpê kir.

28ê Kanûna 2011an, balafirên şer ên Tirkiyê 34 kesên sivîl li ser sînor kuştin ku piraniya wan zarok bûn. Tevî 11 sal di ser re derbas bûne, ti kesek wek berpirsê wê êrîşê nehatiye darizandin. Dadgeha Mafên Mirov a Ewropayê jî bi hinceta belgeyên kêm sala 2018an Doza Roboskiyê red kir.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger