Hewlêr (Rûdaw) – Fîlma derhênerê Kurd Sehîm Umer Xelîfe ya bi navê "Zagros" li Fransayê di 35emîn Festîvala Navdewletî ya Fîlman a Annonay de xelata herî mezin wergirt.
Her sal di navbera 2 û 12ê sibatê de Festîvala Navdewletî ya Fîlman a Annonay te sazkirin û îsal ligel fîlma Zagros 8 fîlmên din di çarçoveya pêşbirkê de ketin rikeberiyê.
Berî niha fîlma Zagordi beşa "Limelight" a festîvala Rotterdamê de hatibû nîşandan. Ev festîval ji bo nimayîşkirina wan fîlman e ku beşdarî festîvalên giring bûne û xelat bi dest xistine.
Fîlma Zagros herwiha ji aliyê malpera "Cutting Edge" ya Belcîkayê ve, li gel fîlmên din ên wî welatî hatibû destnîşankirin ji bo ku xwendevan û hezkiriyên sînemayê deng bidin û weke fîlma herî baş a sala 2017an were hilbijartin.
Li Belçîkayê Mijdara 2017ê di 44emîn Festîvala Fîlman a Gentê xelata “Grand Prix” wergirtibû.
"Zagros" ku yekem fîlma dirêj a derhênerê Kurd Sehîm Umer Xelîfe ye, li gel heşt fîlmên din li beşa pêşbaziya 35emîn Festîvala Navdewletî ya Fîlman a Annonay a li welatê Fransayê bajarê Annonayê, ji bo bidestxistina xelata festîvalê beşdarî pêşbaziyê bû. Zagrosê xelata herî mezin a pêşbaziyê wergirt.
Fîlm behsa çîroka şivanekî Kurd ê bi navê Zagros dike.
Sehîm Umer Xelîfe berî niha bi rêya kurtefîlmên bi navê "Messiyê Bexdayê", "Welatê Qehramanan", "Nêçîrvanê Xirab", 98 xelat di festîvalên sînemayî de wergirtine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse