‘Mona Lisayê Mêr’ derdixin mezadê

Navenda Nûçeyan - Ji berhemên Leonardo da Vinciyê wênesazê navdar ê Ronesansê "Salvator Mundi" yê ku wekî "Mona Lisayê Mêr" tê zanîn dê derxin mezadê.

Mala Mezadê ya Christie'sê ragihand ku di mezadê da bihayê berhema portreya narîn a bi navê Salvador Mundi wê bi 100 milyon dolarî dest pê bike.

Di daxuyaniyê da hat gotin ku wêne li pêşangehên Hong Kong, San Francisco, London û New Yorkê jî dê bên nîşandan û di nav meha mijdarê de jî firotinê dest pê bike.

Da Vinci li ser panela sal 1500 hatiye nivîsandin bi boyaxa bidon wêneyê Hezretî Îsa yê ku qeftanekî sor û şîn lê ye û di dest de jî kûreya krîstal heye neqiş kiriye.

Der heqê kesê ku ev berhem ji bo firotinê derxist holê de tu agahî nehat dayîn û bi tenê hat gotin ku ew koleksiyonerekî taybet ê ji Ewropayê ye.

Hunermend Da Vinciyê ji Îtalyayê di heyama Ronesansê de jiyiya û ji hunemendên herî mezin ê cîhanî tê hesibandin, "Mona Lîsa" û "Şîva Dawîn" berhemên wî yên herî navdar in.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger