67emîn Mîhrîcana Berlinale dest bi çalakiyên xwe kiriye

Berlîn (Rûdaw) – 67emîn Mîhrîcana Fîlman a Berlînê (Berlinale) duh bi merasîmekê dest pê kir.

Mîhrîcan bi pêşkêşkirina fîlmê bi navê “Django” yê derhênerê fransî Etienne Comar, dest pê kir. Mîhrîcan li Berlîna paytexta Almanyayê li Hotêla Grand Hyatt tê lidarxistin.

Di festîvala îsal a Berlînaleyê de,18 fîlm ji bo xelatên “Hirçê Zêrîn” û “Hirçê Zîvîn” dê têkevin pêşbaziyê û herwiha 399 fîlmên ji 72 welatan dê werin nimayişkirin.

Beriya destpêka galaya mîhrîcanê Etienne Comar, aktor û aktrîstên wê fîlmê, bi serokatiya derhêner Paul Verhoeven endamên lijneyê û gelek kesên vexwendî li ser mafûrê sor meşiyan.

Di nav vexwendiyên mîhrîcanê de ji tîma Bayern Munixê (Bayern Munchen) futbolîstê alman Jerome Boateng, manken Toni Garn, derhêner Wim Wenders û Cîgira Serokê Encumena Federal Claudia Roth jî hebûn.

Xelatên mîhrîcanê, dê 18ê Sibatê bêne dayîn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger