Şêwekar Luqman Ehmed wêneyeke Makbule Ozer xêz kir

Hewlêr (Rûdaw) – Şêwekarê ji Rojavayê Kurdistanê Luqman Ehmed wêneyeke Makbule Ozer a ji Bakurê Kurdistanê xêz kir.

Şêwekar Luqman Ehmed îro Înê 9ê Îlona 2022an li ser hesabê xwe yê Twitterê wêneyeke Makbule Ozer a 80 salî ya ku roja Çarşemê ji Girtîgeha Wanê derketibû belav kir.

Luqman Ehmed di parvekirina xwe de got, “Em ji te hezdikin. Ji gula di destê te de, ji çirûska di çavên te de Dayika hêja Makbule.”

#MakbuleOzer #MakbuleÖzer
Em ji te hezdikin..
Ji gula di destê te de,
Ji çirûska di çavên te de Dayika hêja #Makbule
Digital art by @LukmanAhmadArt pic.twitter.com/NJ0m8TWojS

— Lukman Ahmad (@LukmanAhmadArt) September 9, 2022

Makbule Ozer a 80 salî û Hadî Ozer ê hevjînê wê di 9ê Gulanê de bi tohmeta "alîkariya rêxistina terorê" li navçeya Artemêt a Wanê ya Bakurê Kurdistanê bi cezaya 2 sal û mehek a girtîgehê hatibûn girtin, ew tevî pirsgirêkên xwe yên tenduristiyê yên giran jî ji girtîgehê bernedidan lê roja Çarşema 7ê Îlona 2022an Saziya Tiba Edlî (ATK) ji bo Makbule ya ku ji ber pirsgirêkên tenduristiyê yên giran nekarî bi tena serê xwe pêdiviyên xwe bi cih bîne, biryara taloqkirina salekê ya cezaya wê ya girtîgehê da.

Luqman Ehmed kî ye?

Luqman Ehmed di sala 1972an de li Dirbêsiya Rojavayê Kurdistanê ji dayik bûye, xwendina seratayî li wir temam kiriye, piştre tevî malbata xwe li bajarê Hesekê bicî bû ye, li wir dest bi karê hunerê kiriye. Ji zarokatiya xwe ve karên hunerî dike, ji sala 2010an ve li derveyî welat, li Virginia ya Amerîkayê dijî û heta niha zêdetirî 100 pêşangehên serbixwe û hevbeş li Rojavayê Kurdistanê, Başûrê Kurdistanê, Tirkiye û Swîsre, Almanya, Fransa, Misir, Lubnan û Amerîkayê li dar xistine.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger