Hewlêr (Rûdaw) - Xebatên Şaredariya Êlihê yên çand û hunerê didomin.
Herî dawî ji aliyê Birêvebiriya Karên Çand û Civakî ve duh bi şev “Şevbêrka Çîrokên Muzîkal” li Navenda Çand û Hunerê ya Ahmet Guneştekînê hat lidarxistin.
Di bernamayê de çîrokbêj Ayhan Erkmen, Dengbêj Ahmedê Xiyî û Hediye Qerejdaxî derketin ser dikê.
Hevşaredarên Êlihê Gulistan Sonuk û Yeşîl Işik, Hevşaredarên Baxlarê Leyla Araz û Sîraç Çelîk, Alîkara Hevşaredaran Çigdem Demîr Sevîm, Endamên Meclisê û gelek welatî tevlî bernameyê bûn.
Gulistan Sonukê ji bo tevlîbûn û keda wan ji dengbêj û çîrokbêjan re spasiyên xwe pêşkeş kirin û anî ziman ku bernameyên çand û hunerê yên bi Kurdî dê berdewam bikin.
“Cihê çîrokan di dîroka Kurdan de girîng e”
Yeşîl Işik jî di bernameyê de axivî û bahsa giringiya çîrokan a di çanda Kurdan de kir:
“Çîrokên îşev em birîn beriya 40 salan, em birîn zarokatiya me.
Dê û bavên me, kal û pîrên me em bi van çîrokan mezin kirin. Cihê çîrokan di dîroka Kurdan de girîng e.
Dengbêj û çîrokbêjan dîroka me bi çîrokan anîne ziman.
Ji bo ku çanda Kurdî neyê jibîrkirin û ji nifşên nû re bibe mîrate, bi çîrokgotinê anîne roja me.
Ez ji dengbêj û çîrokbêjên me yên ku îşev ev bername ji bo me amade kiriye spasiyên xwe pêşkeş dikim."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse