Hewlêr (Rûdaw) - Xebata bi salan a nivîskar Necat Zanyar a bi navê Hişê Kurdî hat weşandin.
Pirtûk ji çar beşan pêk tê û binnivîsa wê “Sistema Hişê Kurdî û têkiliya takekes, dîn û dewletê” ye.
Di berhema hizrî ya cureyê antropolojiya felsefî de, hişên taybet ên neteweyan û faktorên karaktera neteweyî pêk tînin, tê nîqaşkirin.
Nasnameya Kurdî ya bi hezar salan ji aliyê dîrok, ziman, erdnîgarî, dîn û kevneşopiyê ve hatiye diyarkirin, tê vekolandin.
Berhem, ji çanda rojhilat û rojava xwe dispêre bi sedan çavkaniyan. Di berhemê de Kurdayetî bi nasnameyên neteweyî yên Tirk, Ereb û Fars re tê berawirdkirin.
Bêdewletiya Kurdan, dahatuya Kurdistanê û şoreşa dîjîtal mijarên sereke yên pirtûkê ne.
Pirtûka 392 rûpel, ku bi zimanê Tirkî ji weşanên DOZê derket, li ser malpera weşanxaneyê û platformên dîjîtal tê firotin. Hat zanîn ku firotina PDF a pirtûkê tune.
Heta niha 5 ji wan bi Kurdî, 2 jî bi Tirkî, bi tevahî 7 pirtûkên Necat Zanyar hatine çapkirin.
Zanyar, ji bo pirtûka nû li ser Xê got, “Ev berhema di pir mijaran de angaşt û tezên nû derpêş dike, hêvîdar im cîhana hizra Kurdî dewlemend bike.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse