Hewlêr (Rûdaw) - Hunermendê Kurd Beytocan dijî û nûçeya mirina wî ne rast e.
Beytocan, ev demek e ku li Stockholma paytexta Swêdê ji ber penceşêrê tedawî dibe.
Van demên dawiyê gelek caran di torên civakî de gotegotên li ser “mirina Beytocan” belav dibin.
Rûdawê xwe gihande malbata Beytocan û li halê wî pirsî.
Bi gotina malbatê, rewşa Beytocan ji berê baştir bûye, li nexweşxaneyê tê dermankirin û di bin çavdêriya bijîşkan de ye.
Malbatê da zanîn ku beriya 2 rojan tenduristiya wî xirabtir bibû lê ev 2 roj in ber bi başbûnê ve diçe.
Hunermed Armancê ku ew ji nêzîk ve ji tenduristiya Beytocan agahdar e û ji roja ewil ve bi wî re ye ji Rûdawê re axivî.
"Beytocan weke bilbilan diaxive"
Armanc li ser tenduristiya Beytocan got, “Berî nîv saetekê ez bi wî re dûr û dirêj axivîm. Beytocan weke bilbilan diaxive û ji berê gelekî baştir e.”
Beytocan ji Armanc re gotiye ew hez dike biçe serdana helbestvan Ehmed Huseyniyê ku ew jî li Stockholmê ji ber penceşêrê tê dermankirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse