Ji Colemêrg Collective berhemeke nû: Dêrelokê
Hewlêr (Rûdaw) - Koma muzîkê “Colemêrg Collective” berhema xwe ya dawî ya bi navê “Dêrelokê” belav kir.
Koma Colemêrg Collective ku komeke muzîkê ya Colemêrgê ya Bakurê Kurdistanê ye berhema xwe ya herî nû Dêrelokê wek klîb li ser platformên dijîtal belav kir.
Strana Dêrelokê straneke gelêrî ye û Koma Colemêrg Collective bi cilûbergên Kurdî û amûrên cuda yên mûzîkê tê de tên bikaranîn pêşkêş dikin.
Derhêneriya muzîkê Birhat Ege & Emre Aydin û derhêneriya klîbê Erhan karahan dikin. Klîp li ser kanalên taybet ên Colemêrg Collective yên platformên dijital hatiye belavkirin.
Gotinên stranê wiha ne:
DÊRELOKÊ
Wa li dêrelokê wa li dêrelokê
Kotana pezî wa li dêrelokê
Şivan û bêrî diken xemlolokê
Şerê şivana li ser mencelokê
Şerê şivana li ser mencelokê
Wa li bin kevirî wa li bin kevirî
Kotana pezî wa li bin kevirî
Kur şivanoka pez şevînkirî
Gundî û qendel b'xwînê werkirî
Gundî û qendel b'xwînê werkirî
Colemêrg Collective li ser Keleha Hewlêrê beşdarî konserteke Mala Muzîkê ya Zehawî bibû û çend berhem pêşkêş kiribûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse