Hewlêr (Rûdaw) - Tîma govendên gel a Wanê li Bedlîsê di 3 kategoriyên pêşbaziya herêmê ya govendên gel de bû yekemîn.
Federasyona Govendên Gel a Tirkiyeyê li nevçeya Xelatê ya Bedlîsa Bakurê Kurdistanê pêşbaziya herêmê li dar xist.
Ji bajarên Bakurê Kurdistanê yên Wan, Bedlîs, Colemêrg, Sêrt, Şirnex û Mûşê tîm beşdarî pêşbaziyê bûn.
Pêşbazî, wekî 4 kategoriyên ku ji biçûk, navdar, ciwan û mezinan pêk tê, hat lidarxistin.
Dê beşdarî fînala Tirkiyeyê bibin
Ji piçûkan Kulûba Sporê ya Dibistana Navîn a Gola Wanê, ji ciwanan Kulûba Çand û Hunerê ya Îpekyoluya Wanê, ji mezinan jî Kulûba Huner û Sporê ya Wan Urartuyê di pêşbaziyê de bûn yekemîn.
Ekîbên ku bûn yekemîn, dê li parêzgeha Denizliyê ya Tirkiyeyê beşdarî fînala Tirkiyeyê bibin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse