Hewlêr (Rûdaw) - Stranbêjê navdar ê Kurdê Êzidî Kemal Pîr Miço îro li Almanyayê koça dawî kir.
Stranbêj Kemal Pîr Miço ku ev heyamek e ji ber nexweşiyeke demdirêj li Almanyayê çareserî werdigirt, îro koça dawî kir.
Kemal Pîr Miço ku kurê hunermendê bi nav û deng ê çiyayê Şingalê Pîr Giro bû, sala 1975an li gundê Dihola yê ser bi nahiya Sinûnê ve li bakurê çiyayê Şingalê jidayîk bûbû.
Ew stranbêjê Kurd ê Êzidî li Almanyayê dijî û bavê 3 zarokan bû.
Kemal Pîr Miço li Almanyayê dest bi karê hunerî kiribû û derdora 10 stranên wî hene.
