Kurtefîlma Kurdî 'Navnîşan' di Festîvala Fîlman a Stenbolê da Xelata Baştirîn Kurtefîlm wergirt
Hewlêr (Rûdaw) - Kurtefîlma "Navnîşan" a derhênerê Kurd Aram Dildar di 42mîn Festîvala Fîlman a Stenbolê da Xelata Baştirîn Kurtefîlm wergirt.
Festîvala Fîlman a Stenbolê ku îsal ji aliyê Weqfa Çand û Hunerê ya Stenbolê (ÎKSV) va cara 42emîn hat lidarxistin, îro danê êvarê li Stenbolê bi merasima xelatdayînê bi dawî bû.
Fîlma kurdî ya bi navê "Navnîşan" ku di beşa kurtefîlman de beşdarî festîvalê bû, bû yekemîn.
42. #İstanbulFilmFestivali Ulusal Kısa Film Yarışması Ödülleri 🏆
— İstanbul Film Festivali (@ist_filmfest) April 18, 2023
En İyi Kısa Film
ADRES
NAVNİŞAN
THE ADDRESS
Yönetmen: Aram Dildar
En İyi Kısa Film ödülü Anadolu Efes tarafından 20.000 TL para ödülü ile destekleniyor.#istfilmfest42 pic.twitter.com/TRQP0WwzKn
“Navnîşan” ku derhêneriya wê Aram Dildar kiriye, ji aliyê temaşevanan ve gelek hatibû ecibandin.
Derhêner Aram Dildar ji Rûdawê re axivî û got: “Kurtefîlma min Navnîşan wê promiyera xwe ya li Stenbolê bike. Film li festîvalên navneteweyî geriya rastê eleqeyê hat û xelat jî girt. Fîlm behsa guhertina navên gundên Kurdan û wergerandina bo Tirkî dike. Em çîrokê bi awayekê trajikomik vedibêjin.”
Di çarçoveya festîvalê de 134 fîlmên metrajdirêj û 29 kurtefîlm di maweya 12 rojan de ji bo sînmehezan tên nîşandan. Festîval îsal di 14 beşan de, ji 84 welatan bi beşdariya fîlmên 160 derhêneran tê lidarxistin.
Herwiha di festîvalê de fîlmekî dirêj, yek belgefîlm û 2 kurtefîlm ên derhênerên Kurd hatin nîşandan.