Hewlêr (Rûdaw) - Wergirên 96emîn Xelatên Oscarê li Şanoya Dolbyê ya li Los Angelesê diyar bûn.
Filma bi navê Oppenheimer bi wergirtina 7 xelatan mohra xwe li Oscar 2024ê xist.
Xelatên Oscarê ji sala 1929an ve ji aliyê Akademiya Huner û Zanistên Sînemayê ya Amerîkayê ve tên dayîn.
Ji bo Oscarê filmên herî baş ên cîhana sînemayê tên hilbijartin.
Xelatên Oscarê îsal bi merasîmeke biheybet li Şanoya Dolbyê ya li Los Angelesê hatin belavkirin.
Merasîma xelatdayînê cara 4emîn ji aliyê ji aliyê komedyenê Amerîkî Jimmy Kimmel ve hat pêşkêşkirin.
Ji bo xelatdayînê kesayetên navdar ên wekî Emily Blunt, Ryan Gosling, Arnold Schwarzenegger, Danny DeVito, Ariana Grande, Melissa McCarthy, Kate McKinnon, Tim Robbins, Sam Rockwell, Nicolas Cage, Matthew McConaughey, Ben Kingsley, Charlize Theron, Jennifer Lawrence derketin ser dikê.
Xelata herî girîng a şevê ya Filma Herî Baş ji aliyê lîstikvan Al Pacino ve hat dayîn.
Filma Oppenheimerê mohra xwe li merasîma îsal xist ku cara 96emîn hat lidarxistin.
Filma Oppenheimerê ku di 13 kategoriyan de hevrikî dikir, xelata "Filma herî baş" jî di nav de 7 xelat wergirtin.
Listeya xelatên Oscar 2024ê wiha ye:
Filma Herê Baş:
Oppenheimer
Derhênerê Herî Baş:
Christopher Nolan (Oppenheimer)
Lîstikvana Herî Baş:
Emma Stone (Poor Things)
Lîstikvanê Herî Baş:
Cillian Murphy (Oppenheimer)
Lîstikvana Alîkar a Herî Baş
Da’Vine Joy Randolph (The Holdovers)
Lîstikvanê Alîkar ê Herî Baş
Robert Downey Jr. (Oppenheimer)
Senaryoya Resen a Herî Baş
Justine Triet ve Arthur Harari (Anatomy of a Fall)
Senaryoya Lêanînê (Adapte) ya Herî Baş
Cord Jefferson (American Fiction)
Filma Navneteweyî ya Herî Baş
The Zone of Interest
Anîmasyona Herî Baş
The Boy and The Heron
Derhênerê Dîmenê yê Herî Baş
Oppenheimer
Muzîka Herî Baş
Oppenheimer
Strana Herî Baş a Resen
Barbie (What Was I Made For?)
Dîzayna Kostuma Herî Baş
Poor Things
Dîzayna Hilberîna Herî Baş
Poor Things
Dîzayna Makyaj û Porê ya Herî Baş
Poor Things
Efekta Herî Baş a Dîtbarî:
Godzilla Minus One
Vehûnana (Fiction) Herî Baş:
Oppenheimer
Dengê Herî Baş:
The Zone of Interest
Belgefîlma Herî Baş:
20 Days in Mariupol
Belgefîlma Mijara Kurt a Herî Baş:
The Last Repair Shop
Fîlma Kurt a Herî Baş:
The Wonderful Story of Henry Sugar
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse