Hevjîna Hesen Zîrek koça dawî kir

RÛDAW

Hewlêr (Rûdaw) - Rabîe Xan a hevjîna hunermendê navdarê Kurd Hesen Zîrek li bajarê Seqizê koça dawî kir.

Îro Çarşemê 7ê Hezîrana 2023an Rabîe Xan a hevjîna dawî ya hunermendê navdar ê Kurd Hesen Zîrek di 78 saliya xwe de li nexweşxaneyeke bajarê Seqiz a Rojhilatê Kurdistanê koça dawî kir.

Rabîe Xan pêncemîn hevjîna Hesen Zîrek bû û 11 salan pê re jiyaye, heta mirina wî bi Hesen Zîrek re bûye.

Rabîe Xan par li Silêmaniyê beşdarî 50emîn salvegera koça dawî ya Hesen Zîrek bibû. Wê li ser hevnasîna bi Hesen Zîrek re gotibû ku di dawetekê de Hesen Zîrek û wê hev nas kirine û evîndar bûne û bi hev re zewicîne.