Hewlêr (Rûdaw) - Festîvala 14emîn a Fîlmên Kurdî ya Berlînê 9ê Çiriya Pêşîn a 2024an dest pê dike û fokûsa îsal a festîvalê LGBTQIA+ ye.
Festîvala 14emîn Fîlmên Kurdî ya Berlînê wekî ku ji navê xwe jî diyar e dê li Berlîna paytexta Almanyayê 9ê Çiriya Pêşîn dest pê bike û heta 15ê mehê berdewam bike.
Festîval dê li Sînemaya Babylon am Rosa-Luxemburg-Platzê ya Berlînê bê lidarxistin.
Li gorî malpera festîvalê, di çarçoveya bernameya festîvalê panel, ders û pêşangeh jî hene.
Her wiha dê gelek kesên navdar ên wekî Îsamîl Beşîkçî û derhênerê Swîsreyî yê xwediyê xelata Oscarê Xavier Koller, derhêner Fatin Kanat û Onder Înce jî beşdarî festîvalê bibin.
Festîval dê bi filma Sieger Sein (Serkeftî Be) a derhênera Kurd Solîn Yûsifê dest pê bike.
Malpera festîvalê da zanîn ku fokûsa îsal a Festîvala Fîlmên Kurdî ya Berlînê LGBTQIA+ ye.
Di çarçoveya festîvalê de dê gelek filmên dirêj, belgefîlm, kurtefîlm, kurtefîlmên zarokan ji bo xelatê hevrikiyê bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse