Li Cizîrê şanoya Mem û Zîn hat qedexekirin

Hewlêr (Rûdaw) - Lîstika Şermola Performansê ya bi navê "Mem û Zîn” ji aliyê Qeymeqamiya Cizîrê ve hat qedexekirin.

Şermola Performansê li ser hesabê xwe yê Twitterê ragihand, lîstîka wan ya bi navê "Mem û Zîn” ku dê 12ê Adarê li Cizîrê bihata lîstin, bêyî sedemek bê nîşandan ji aliyê Qeymeqamiya Cizîrê ve hat qedexekirin.

Şermola Performansê ragihand, “Lîstika me ya Mem û Zîn ji aliyê Qeymeqamiya Cizîrê ve bê sedem hat betalkirin. Lîstika Mem û Zîn 12ê Adarê, roja Şemiyê li Navenda Çandê ya Şaredariya Cizîrê wê bihata lîstin, lewre afîş, broşur û dawetiye hatibûn şandin, bi alîkariya gelek saziyan danasînên medyaya civakî hatibûn parvekirin û 4ê Adarê jî kirêya salonê li ser hesabê şaredariyê hatibû razandin.

Lê piştî du rojan (06.03.2022) Qeymeqamiya Cizîrê bi riya telefonê em agahdar kirin ku pêşandana lîstikê hatiye betalkirin.”

JI RAYA GIŞTÎ RE
Lîstika me ya Mem û Zîn ji aliyê Qeymeqamiya Cizîrê ve bê sedem hat betalkirin. pic.twitter.com/iHJyiRNzSd

— Şermola Performans (@SermolaPerfrmns) March 6, 2022

Lîstika Mem û Zîn a bi derhêneriya Mîrza Metîn ji 3ê Mijdara 2021an ve li gelek bajarên Bakurê Kurdistanê tê pêşandan.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger