Şefîq Bavê Reid 45 salan şahî bi rêve birine

Hewlêr (Rûdaw) - Hunermendê Kurd Şefîq Bavê Reid bi çêkirina tembûr, saz û baxlemeyan tenêtiya tarî dişikîne û debara ‏jiyana xwe jî peyda dike.

Hunermend Şefîq ji temenê 14 salî ve tembûrê dijene, bi stranên xurfanî dest pê kir wek strana Emîna, Sînemê û Finciko û gelek stranên din.

‏Hunermendê gelêrî Şefîq Bavê Reid ku sala hatiye ser rûyê dinyayê, 45 salan şahî bi rêve birine, dibe ku lingek li Rojavayê ‏Kurdistanê nemabe ku li ber saz û dengê wî nehejiyabe.

‏Ew xelîfeyê hunermendê koçkirî yê Rojavayê Kurdistanê Yûsifê Çelebî ye. Hemû stranên Çelebî ezber kirine û wek parzêvanê berhemên wî tê ‏naskirin. Çîroka Çelebî û serokê Sûriyê Hisnî el Zeîm dibêje, ew heya ‏newqê sersam û aşiqê Çelebî ye.

‏Kurd dibêjin “Yek heye bi sedî, sed heye ne bi yekî” Bavê Reed jî di ‏dirêjahiya jiyana xwe ya hunerî de, bi tenê yek stran çêkir, strana ‏Edlayê kir kilîp, pir deng veda û li her çar parçeyên Kuridstanê li ser ‏zar û zimanan geriya.

Niha hunermendê Kurd Şefîq Bavê Reid li bajarê Qamişlo yê Rojavayê Kurdistanê bi tena xwe di malekê de dijî û debara jiyana xwe bi karê sazkirina amûrên muzîkê dike.