Hewlêr (Rûdaw) - Komîsyona Hevgirtina Neteweyî, Biratî û Demokrasiyê ya ku li Parlamentoya Tirkiyeyê hatiye avakirin, dê roja pêncşemê li wezîrên dadê û karên derve guhdarî bike.
Civîn dê 30ê Çiriya Pêşîn saet 11:00an dest pê bike.
Di civîna di bin serokatiya Serokê Parlamentoyê Numan Kurtulmuş de dê ewil Wezîrê Karên Derve Hakan Fîdan biaxive.
Fîdan dê agahiyên herî dawî yên li ser pêvajoya aştiyê yên li qadê pêşkêş bike.
Li gorî agahiyan, tê payîn ku Fîdan behsa qonaxa ku di mijara tevlîbûna Hêzên Sûriyeya Demokratîk (HSD) a nav hikûmeta navendî de hatiye, bike.
Tunç dê behsa pêngavên hiqûqî bike
Piştî Fîdan, saet 13:00an de Wezîrê Dadê Yilmaz Tunç dê biaxive.
Wezîr Tunç dê derbarê pêngavên hiqûqî yên ku piştî çekdanîna PKKyê bên avêtin de agahiyan bide.
Tê payîn ku Tunç derbarê xebatên li ser mijarên wekî guhertina Yasaya Tekoşîna li Dijî Terorê û sererastkirina Yasaya Înfazê de agahiyan bide.
