Sêrt (Rûdaw) - Li parêzgeha Sêrtê ya Bakurê Kurdistanê xwendekareke zanîngehê ya 21 salî piştî ku ji mînîbusê ket bi giranî birîndar bû.
Li gorî zanyariyan, Ş.Ş.ya ku li Zanîngeha Sêrtê dixwend, duh ji şofêrê mînîbusa ku lê siwar bûbû re gotibû ku ew dixwaze li rawestgeha Kampusa Kezerê dakeve.
Dema ku mînîbus nêzîkî rawestgehê bû û hêdî bû, deriyê wê berî ku raweste vebû.
Di vê navberê de xwendekar ji mînîbusê ket û bi giranî birîndar bû.
Li ser agahdarkirina kesên derdorê polîs û tîmên tenduristiyê û sewqî cihê bûyerê hatin kirin.
Xwendekar ji aliyê tîmên tenduristiyê ve ji bo Nexweşxaneya Perwerde û Lêkolînê ya Sêrtê hat veguhastin.
.webp&w=3840&q=75)
