Hewlêr (Rûdaw) - Li navçeya Selîmê ya parêzgeha Qersê ya Bakurê Kurdistanê, cendirmeyan du nêçîrvanên ku nêçîra bazan dikir girtin û milyonek û 146 hezar lîre ceza li wan birî.
Tîmên Fermandariya Cendirmeyan a Parêzgehê tesbît kir ku du kes nêçîra bazan dikin.
Li ser vê yekê, tîmên cendirme û Birêvebiriya Parkên Neteweyî operasyoneke hevpar li dar xist.
Wan her du nêçîrvan li ser sûc girtin.
5 baz û gelek teyrên din hatin rizgarkirin
Tîman di lêgerînê de 5 baz, 17 kevok û 7 kewên sax ji nêçîrvanan standin û ew berdan.
Her wiha tîman dest danî ser tifingeke nêçîrê, dûrbîn û gelek alavên din ên nêçîrê.
Tîmên parastina xwezayê bi giştî milyonek û 146 hezar û 682 lîre ceza li her du nêçîrvanan birî.
.webp&w=3840&q=75)
