Hewlêr (Rûdaw) - Li navçeyên Onikişûbat û Pazarcixê yên Mereşa Bakurê Kurdistanê agir bi daristanê ket, ji hewa û bejahî ve têmên Berevaniya Şaristanî û welatî hewl didin agir vemirînin.
Bi destpêkirina germayê re li Bakurê Kurdistanê û Tirkiyê şewata daristanan zêde bûye. Îro li navçeyên Onikişubat û Pazarcixê yên Mereşê agir bi daristanê ket, heta niha sedema pêketina agir nayê zanîn.
Li ser agahdarkirinê tîmên hawarçûnê û Berevaniya Şaristaniyê bo cihê bûyerê hatine şandin.
Tê gotin, tîmên ku ji 90 kesî pêk tên bi hevkariya welatiyên navçeyê, 6 helîkopter, 2 firoke û 20 otomobîlan hewl didin agir vemirînin.
