Hewlêr (Rûdaw) - Parêzgarê Hisîçayê Nûredîn Ehmed bangî xwendekarên Zanîngeha Rojavayê kir ku navên xwe di tercîhên Wezareta Xwendina Bilind a Sûriyeyê de tomar bikin.
Parêzgarê Hisîçayê Nûredîn Ehmed di daxuyaniyeke taybet a ji Rûdawê re de bangî bangî xwendekarên Zanîngeha Rojavayê kir.
Nûredîn Ehmed got, "Em bangî xwendekarên xwe yên ku berê di tercîhên Zanîngeha Rojavayê de navên xwe tomar kiribûn dikin.
Bila ew bi lez bi rêya lînka fermî ya pejirandî ya Wezareta Xwendina Bilind û Lêkolînên Zanistî, dest bi tomarkirina navên xwe yên di dagirtina valahiyan de tercîh bikin."
"Tenê kolêjên fermî tên pejirandin"
Nûredîn Ehmed tekez kir ku wergirtina li zanîngehan û pejirandina fermî ya encaman tenê li gorî pîvanên Wezaretê pêk tên.
Ehmed diyar kir ku ev pêvajo tenê wan kolêjan li xwe digire ku di lîsteya fermî ya hikûmetê de cih digirin.
"Li derveyî pergalê ti misogirî nîne"
Parêzgarê Hisîçayê her wiha li ser rewşa xwendekaran hişyarî da û got:
"Heta niha ji bo çareserkirina rewşa wan xwendekarên ku li derveyî pergala Wezaretê serî lê dane, ti mekanîzma an misogeriya piştrastkirî nîne.
Ji ber vê yekê, ji bo parastina paşeroja xwe ya perwerdeyê divê hemû xwendekar bi hûrbînî tevbigerin û rêkarên fermî yên Wezaretê bişopînin."
