Hewlêr (Rûdaw) - Grama zêr piştî ku roj bi rewşeke aram dest pê kir niha bi 137,26 dolaran tê firotin.
Doh li gorî daketina bihayê onsa zêr, grama zêr jî erzan bû û roj bi kêmkirina ji sedî 0,2 li ser 137,26 dolaran bi dawî hat.
Îro grama zêr bi rewşeke aram dest pê kir û di ser asta 137,26 dolaran re tê firotin.
Bihayê onsa zêr jî bi daketina ji sedî 0,2yê bi 4 hezar û 269 dolaran tê firotin.
Bi hêviya ku li Rojhilata Navîn peymaneke nû çêbibe, bihayê petrolê hinekî daket û ev yek dê bibe sedem ku zexta firotinê ya li ser bazarên tehwîlan kêm bibe.
Qezenca tehwîlên 10 salî yên Amerîkayê di ser sedî 5an re ye û daneyên bihêz ên Amerîkayê bendewariyên FEDê yên ji bo bilindkirina faîzê zindî dihêlin.
Dolarê ku zêde dibe û faîzê tehwîlan ên ku bilind dibin, lêçûna alternatîf a hilberîna zêr zêde dikin.
Li Amerîkayê hejmara kesên ku 19ê Îlonê bi bidawîbûna hefteyê re cara yekem serlêdana daxwaza mûçeya bêkariyê kiriye, kêm bû û daket 197 hezaran û di bin bendewariyên bazarê de ma.
Analîst destnîşan dikin ku daketina serlêdanên mûçeya bêkariyê nîşan dide ku aboriya Amerîkayê hêza xwe ya avakirina îstihdamê diparêze.
Heman analîst dibêjin ku rewşa bihêz a îstihdamê wekî faktorekî ku rîskên bilindbûna enflasyonê zêde dike, derdikeve pêş.
Analîstan diyar kir ku îro li Amerîkayê rewşa daneyan aram e lê li derve, li Almanyayê endeksa pêbaweriya xerîdaran a GfKyê, li Amerîkayê kelûpelên mayinde, endeksa pêbaweriya xerîdaran a Michiganê û bendewariya enflasyonê dê werin şopandin.
