Hewlêr (Rûdaw) - Wezareta Petrolê ya Îraqê ragihand ku ji meha tebaxê ve di hinardekirina petrolê de lezeke girîng hatiye girtin û got, “Em dê Ceyhan û Baniyaseyê bi kar bînin.”
Wezîrê Petrolê Basim Huzeyr li Besreyê tesîseke mezin a gazê vekir.
Wî plana "cihêrengiya stratejîk" eşkere kir ku di vê planê de li dijî aloziya Tengava Hurmizê rêyên Tirkiye û Sûriyeyê hene.
Wezîrê Petrolê Basim Huzeyr û Waliyê Besreyê Esad Îdanî, Tesîsa Navendî ya Pêvajokirina Gazê (CPP) ya li qada petrolê ya Faihayê vekir.
Li dijî îthalata gazê gava hilberîna navxweyî
Tesîsa nû bi kapasîteya xwedê tevkariyê li serxwebûna enerjiya Îraqê bike.
Huzeyr di axaftina xwe ya vekirina tesîsê de destnîşan kir ku qada Faihayê niha gihîştiye kapasîteya hilberîna 100 hezar bermîl petrolê ya rojane.
Di amarên hinardekirinê de zêdebûneke mezin
Hinardekirina petrolê meha tîrmehê ji ber rîskên ewlehiyê yên li Tengava Hurmizê derb xwaribû û bi tevahî di 49 milyon bermîlan de mabû.
Ev hinardekirin meha tebaxê dîsa zêde bû.
Li gorî amarên nû yên Wezaretê, ji serê mehê ve navîniya hinardekirina rojane derketiye 2 milyon bermîlan.
Hat ragihandin ku niha li benderên Îraqê karê barkirina çar tankerên mezin didome.
Rêyên alternatîf
Piştî ku nearamiya li Tengava Hurmizê bandoreke neyînî li xezîneya Îraqê û dayîna meaşan kir, birêvebiriya Bexdayê lez da stratejiya "cihêrengiya rêyan".
Huzeyr planên xwe yên stratejîk bi van gotinan eşkere kir:
"Armanca hikûmeta me ew e ku em tenê neçarî deriyekî nemînin. Em bi Chevronê û şirîkê wê yê Qeterî re xeta Besre-Pêşxabûrê ava dikin.
Her wiha em bi biryar in ku bi ser Tirkiyeyê re Ceyhanê û bi ser xeta Hadîseyê re jî Bendera Baniyaseyê ya Sûriyeyê ji nû ve bixebitînin."
Soza aramiya aborî û îstihdamê
Dahatên petrolê ji bo meaşên karmendan xwedî girîngiyeke jiyanî ne.
Li Îraqê, Wezaret plan dike ku hemû parêzgehan bike hilberînerên enerjiyê.
Wezîr bal kişand ser vedîtinên petrolê yên li herêma Faoyê.
Wî diyar kir ku dê hilberînên nû yên enerjiyê pirsgirêka bêkariyê jî çareser bikin.
