Hewlêr (Rûdaw) - Hunergeha Welata ku li Rojavayê Kurdistanê xebatên xwe yên hunerî didomîne, berhemeke nû pêşkêşî hunerhezan kir.
Ev berhema nû straneke gelêrî ye ku bi navê "Keynê - Dilê bê dil" hatiye amadekirin.
Stran ji aliyê hunermend Selîmê Temo ve hatiye gotin û li ser hesabê Youtubeyê ya Hunergeha Welat hatiye belavkirin.
Selîmê Temo bi dengê xwe yê taybet rengekî nû daye vê strana gelêrî.
Amadekarên stranê Şero Hindê û Mehmûd Berazî ne û her wiha Yûsif Osman aranjeya stranê kiriye û Kawa Xalid jî karê mîksê kiriye.
Klîpeke li ser çanda Kurdan
Klîpa stranê ji aliyê Mihemed Mûsa ve hatiye amadekirin.
Di vîdeoyê de dîmenên xwezaya Kurdistanê û cil û bergên Kurdî yên resen hatine bikaranîn.
Di klîpê de lîstikvan bi cilên Kurdî û bi amûrên muzîkê yên wekî saz, kemançe û daholê derdikevin pêşberî temaşevanan.
Xebatên Hunergeha Welat
Hunergeha Welat bi salan e ji bo parastin û bipêşxistina muzîka Kurdî dixebite.
Heta niha gelek stran û klîpên ku bala xelkê dikişînin belav kirine.
