Hewlêr (Rûdaw) – Li bajarê Bedlîsa Bakurê Kurdistanê welatiyekî gilêşîm ekîbên şaredariyê kom kirine ji hev derdixe û pê elektirîkê çêdike û pêwîstiya elektirîka 3 hezar malan peyda dike.
Ekîbên Rêveberiya Karûbarên Paqijkirinê ya Şaredariya Bedlîsê di rojê de 110 ton sergo kom dikin û welatiyê bi navê Erdal Yalçin van ji hev derdixe û pê pere qezenc dike.
Erdal Yalçin li navçeya Norşin a Bedlîsê tesîsa jihevderxistin û depokirina sergoyê ava kir, her roj sergoyê ekîbên şaredariyê kom dikin ji hev derdixe embar dike.
Yalçin paşê amûrên ji sergoyê veqetandiye dibe qada kurahiya wê 14 metre û berahiya wê 200 metreyî dide ser hev û ser çalê digre. Yalçin bi xaza ji sergo derdikeve ve elektirîkê çêdike û dide xeta veguhestina elektirîka ya Norşinê.
Derbarê karê xwe de Yalçin got ji bo ku ava sergoyê nekişe axê jî hin tedbîran hildidin û wiha pê da çû: “Ev 2 meh e li Bedlîsê em elektirîkê çêdikin, eger hemû sergoyê bajêr werin komkirin û li tesîsê werin nirxandin ew dê kêrî hawirdorê were. Em niha 1,4 megawat elektirîkê çêdikin. Dema vê derxin 4 megawatî jî em dê bo 6 hezar û 700 malan elektirîkê peyda bikin. Ev ji bo Bidlîsê karekî kêrhatî ye."
Yalçin got dema sergo berî çemê Bedlîsê bidin ew dê zirarê bide hawirdorê û tenduristiya gel û wiha axivî: "Dîtina wê jî mirovan aciz dike. Hin şaredarî sergoyê xwe dirijînin çil û çiyan. Em dixwazin ew jî bînin vê derê. Ji bo hawirdoreke paqij divê her kes berpirsyariya xwe bi cî bîne.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse