Mûçeyê herî kêm ê karmendên Rêveberiya Xweser dibe 75 dolar
Hewlêr (Rûdaw) -Rêveberiya Xweser a Rojavayê Kurdistanê biryar da ku mûçeyên karmendên saziyên xwe ji sedî sed zêde bike.
Rêveberiya Xweser a Bakur û Rojhilatê Sûriyeyê biryarnameya derbarê zêdekirina mûçeyên karmendên xwe de li ser malperên xwe yên fermî belav kir.
Li gorî biryarnameyê Rêveberiya Xweser mûçeyê karmendên xwe ji sedî sed dike.
Mûçeyê herî kêm ê karmendên Rêveberiya Xweser dibe milyonek û 40 hezar lîreyî Sûrî (75 dolar).
Mûçeyê herî zêde jî ku yê mamosteyên zanîngehê ye dibe, 8 milyon û 222 hezar lîreyî Sûrî (590 dolar).
Li gorî biryarê mûçeyê karmendên bi girêbest jî ji sedî sed tê zêdekirin.
Di biryarnameyê de ji aliyên darayî yên saziyan hat xwestin ku ji 1ê Tebaxê ve mûçeyên karmendan li gorî biryara nû bidin.
Dawiya adara îsal Rêveberiya Xweser mûçeyên karmendên xwe zêde kiribûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse