Kurdistan û Rosneftê 2 girêbest îmza kirin

Saint Petersburg (Rûdaw) – Hikûmeta Herêma Kurdistanê û Rûsya du girêbestên nû yên di warê petrol û gaze de îmza kirin.

Her du girêbest di navbera Wezareta Çavkaniyên Xwezayî ya Hikûmeta Herêma Kurdistanê û Kompaniya Petrolê ya Rûsya, Rosneftê de hatine îmzakirin.

Wezîrê Çavkaniyên Xwezayî yê Herêma Kurdistanê, Aştî Hewramî ku di Korbenda Aborî ya Saint Petersburgê de beşdar e, di daxuyaniyeke taybet de ji Rûdawê re ragihand, ku wan li gel kompaniya Rosneftê girêbestek ji bo rakêşana boriya gazê li Herêma Kurdistanê îmza kiriye.

Herwiha Rêveberê Giştî yê Cîbicîkar ê Rosneftê, Îgro Sechin jî ji Rûdawê re got, wan li Herêma Kurdistanê dest bi cîbicîkirina projeya rakêşana boriya gaza xwezayî kiriye.

Îgor Sechin herwiha diyar kir, ku ew dê berdewam bin li ser pêşxistina pêwendiyên xwe yên li gel Herêma Kurdistanê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger