Rêveberiya Xweser bac li ser karmendên Kobanî ferz kir

RÛDAW

Hewlêr (Rûdaw) - Rêveberiya Xweser a Rojvayê Kurdistanê bac li ser mûçeyên karmendên herêma Kobanî ferz kir.

 

Di giştînameyekê de ku, kopiyek jê gihaye Rûdawê, Rêveberiya Xweser a Rojvayê Kurdistanê bac li ser mûçeyên karmendên herêma Kobanî ferz kir.

 

Li gor giştînameyê, Hevserokatiya Encûmena Cîbicîkar a Herêma Feratê mehane 1000 lîreyên Sûrî li ser her karmendekî li herêmê ferz kiriye.

 

Giştînameya ku roja 19ê Gulanê derçûye diyar dike ku ev biryar dê ji 1ê Hezîrana 2019an ve li ser tevahiya karmendên saziyên ser bi Encûmena Cîbicîkar a Herêma Feratê ve bê cîbicîkirin.