Aborî
Leyla Saroxan herwiha gotiye, Desteya Çandinî û Avdaniyê, rojane derdora 800 ton pembo ji cotkaran werdigire.
Hewlêr (Rûdaw) – Rêveberiya Xweser berhema pembo ji cotkarên Rojavayê Kurdistanê û Bakur û Rojhilatê Sûriyê werdigire. Hevseroka Desteya Çandinî û Avdaniyê ya Rêveberiya Xweser Leyla Saroxan ragihand ku ji 5ê meha borî ve proseya wergirtina pembo ji cotkaran dest pê kiriye.
Komkirina pembo li Rojavayê Kurdistanê û deverên di bin kontrola Rêveberiya Xweser de ji meha borî ve berdewam e.
Hevseroka Desteya Çandinî û Avdaniyê ya Rêveberiya Xweser a Bakur û Rojhilatê Sûriyê, Leyla Saroxan ragihandiye ku, ji 05ê Îlona 2022yan ve, proseya kirîna berhema pembo ji cotkaran hatiye destpêkirin û hêj berdewam e.
Leyla Saroxan dibêje, rojane 800 ton pembo ji cotkarên Rojavayê Kurdistanê tê wergirtin û pereyên cotkaran didin wan.
Hevseroka Desteya Çandinî û Avdaniyê nîşan bi wê yekê jî daye ku, fatoreyên pemboyê cotkaran bi awayekî rêkxistî têne dan, bi awayekî ku roja 18-10-2022yan, fatoreyên 23-09-2022yan ji mûsimê îsal, hatin xerckirin.
Rêveberiya Xweser a Bakur û Rojhilatê Sûriyê nirxê kirîna pembo di mewsima heyî de bi 4 hezar û 300 lîreyên Sûriyê ji bo her kîloyekî diyar kiriye ku di mewsima borî de kirîna pembo bi 2 hezar û 500 lîreyên Sûriyê bû.
Rûbera çandina pembo kêm bûye û sedema vê yekê ew e ku çekdarên girêdayî Tirkiyê rêjeya ava Firatê kêm kiriye û ji ber vê yekê jî îsal hejmareke zêde ya cotkaran pembo neçandin, çimkî pêwîstiya pembo bi avdaneke zêde heye.
Yek ji sedemên din a kembûna pembo, li herêmê pêla germahiyê zirar da mewsima pembo.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse