BÎSAM: Sînorê birçîbûnê li Tirkiyê gehiştiye 7 hezar û 300 lîreyan

Hewlêr (Rûdaw) - Navenda Lêkolînan a Sendîkaya Metal-Îşê ragihand ku sînorê birçîbûnê di Îlona 2022an de li Tirkiye û Bakurê Kurdistanê 7 hezar û 300 lîre bûye.

Navenda Lêkolînan a Sendîkaya Metal-Îşê (BÎSAM) ku her meh encamên birçîbûn û hejariyê li Tirkiye û Bakurê Kurdistanê belav dike, rapora xwe ya meha Îlona 2022ê jî belav kir.

Li gor BÎSAMê, sînorê birçîbûnê li Tikriye û Bakurê Kurdistanê gehiştiye 7 hezar û 300 lîreyan, sînorê hejariyê jî gehiştiye 25 hezar û 252 lîreyan.

Li gor raporê malbateke 4 kesî bo debara jiyanê xwe bike di meha Îlonê de mesrefa wê herî kêm 7 hezar û 300 lîre bûye.

Xerciya rojane jî gehştiye 243 lîreyan.