TUIK: 3 milyon û 305 hezar bê kar hene
Hewlêr (Rûdaw) – Li Tirkiyeyê hejmara bêkaran bi qasî 234 hezaran zêde bûye û gehiştiye 3 milyon û 305 hezar kesan.
Li gorî amarên TUIKê, li Tirkiye û Bakurê Kurdistanê hezîrana îsal rêjeya bêkariyê gihiştiye ji sedî 9,2yan.
Saziya Amaran a Tirkiyeyê (TUIK) rêjeya bêkariyê ya hezîranê eşkere kir.
Li gorî TUIKê, meha hezîranê hejmara bêkaran bi qasî 234 hezaran zêde bûye û gehiştiye 3 milyon û 305 hezar kesan.
Her wiha rêjeya bêkariyê ya hezîranê jî bi zêdebûna ji sedî 0,7an bûye ji sedî 9,2.
Li gorî texmînan, rêjeya bêkariya mêran ji sedî 7,6 û rêjeya bêkariya jinan jî ji sedî 12,4 e.
Meha hezîranê hejmara kesên ku bûne xwedîkar bi qasî 341 hezaran kêm bûye û daketiye 32 milyon û 522 hezar kesan.
Ev jî wateya ku rêjeya xwedîkaran 0,6 puanan daketiye û bûye ji sedî 49,3.
Rêjeya bêkariya nifûsa ciwan ên temenê wan di navbera 15 û 24 salî de jî li gorî gulanê 1,7 puanan zêde bûye û bûye ji sedî 17,6.
Rêjeya bêkariya ya bi pênaseya berfireh jî li gor meha gulanê bi zêdebûna 3,8 puanan gihiştiye ji sedî 29,2yan.