Hewlêr (Rûdaw) - Hevdîtinên mûçeyê herî kêm ku nêzîkî 7 milyon kesan eleqeder dikin îro li Tirkiyeyê dest pê dikin.
Çavê bi milyonan kesan li ser wê yekê ye, ka dê mûçeyê herî kêm çiqasî bê zêdekiri
Car ewil e ku di komisyona hevdîtinan de çar karker jî cih digirin.
Hevdîtinên Komisyona Destnîşankirina Mûçeyê Herî Kêm îro dest pê dikin.
Wezareta Kar û Ewlehiya Civakî ya Tirkiyeyê mazûvaniya civînê dike.
Di civînê de Konfederasyona Sendîkayên Xwediyê Kar a Tirkiyeyê (TİSK) nûnertiya xwediyên kar dike.
TURK-ÎŞa ku konfedarasyona herî mezin a karkeran e jî karkeran temsîl dike.
Sekreterê Giştî yê Konfederasyona Sendîkayên Xwediyê Kar a Tirkiyeyê Akansel Koç serokatiya şanda xwediyên kar dike.
Alîkarê Serokê TURK-ÎŞê Ramazan Agar jî serokatiya şandeya karkeran dike.
Di hevdîtinên îsal de ji salên borî cudatir, di nav şandeya TURK-ÎŞê de ku ji pênc kesan pêk tê 4 karker hene.
Li Tirkiyeyê mûçeyê herî kêm ji 1ê Tîrmeha 2023yan ve 11 hezar û 402 lîreyên Tirkî ye.
Li gorî Saziya Amaran a Tirkiyeyê (TUIK) enflasyona salane gihiştiye ji sedî 61,98an.
Li gorî ENAGê jî enflasyon gihiştiye ji sedî 129,27an.
Li Tirkiye û Bakurê Kurdistanê ji ber bihabûna zêde û zamên berdewam û mûçeyê herî kêm têra debara jiyanê nake.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse