Hewlêr (Rûdaw) - Bajarê Îdirê yê Bakurê Kurdistanê ku bi saya erdnigariya xwe xwedî avhewayeke nerm û axeke bi ber û bereket e gelek cureyên sewze û fêkî lê çêdibin. Li bajêr îsal tê payîn ku bi qasî 40 hezar ton ji daran bê berhevkirin.
Rêvebirê Çandinî û Daristanê yê Îdirê Ozkan Yolcu ragihan ku li bajêr di nav sewze û fêkiyên digihîjin de ya ku herî tê zanîn û bi nav û deng e sêva Îdirê ye.
Ozkan Yolcu destnîşan kir ku bi hatina payîzê êdî heyama berhevkirina “Sêva Îdirê” jî dest pê kir û wiha pê de çû: "Sêva me ya di stranan de jî derbas dibe, niha li bajarê me bi qasî 18 hezar donim zeviya ku darên sêvan lê ye, hene û em îsal li bendê ne bi qasî 40 hezar tonan sêvan berhev bikin."
Di berdewamiya axaftina xwe de Yolcu destnîşan kir ku sêvên ji bajarên wan derdikevin li navend û bajarên der û dora wan gelek tê xwestin û ev jî bi kêrî aboriya bajêr tê.
Şukru Yurtsever ê li gundê Kullukê xwedî bexçeyên darên sêv, helû û mişmişan jî got ku ew xwedî wê baweriyê ye dema eleqe hebe berên derdikevin jî bi qelîte ne û ji bo vê jî ew kedek mezin didin û wiha domand: "Dema fêkî baş be eleqejî baş e û zû tê firotin. Kesên ku tahm dikin jî razî dimînin. Ya bihayê sêvan kifş dike qelîteya fêkiyê ye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse