Bi nêzîkbûna roja evîndariyê bazara gulan germ bûye

Hewlêr (Rûdaw) – Li Herêma Kurdistanê bi helkefta nêzîkbûna 14ê Sibatê Roja Valentina ango roja evîndariyê amadekariyên wê rojê têne kirin.

14ê Sibata her sal, bi roja evîndariyê yan jî roja Valentine tê naskirin û li seranserî cîhanê evîndar û kur û keçên dildarên hev, wê rojê bi bîr tînin. Di vê rojê de evîndar bi awayekî dilxweşiyê didin hev û herkesek li gora xwe vê rojê pîroz dike.

Li wer her welatê cîhanê li Herêma Kurdistanê de di roja evîndariyê de keç û kurên evîndar piranî bi pêşkêşkirina gulên sor dilê hevdu xweş dikin.

Loma bazara gulan jî germ dibe û gulfiroş jî pere qezenc dikin. Bazirganên Kurdistanê ji welatên wek Îspanya, Hollanda, Ekawator, Îran û Srîlankayê gulan hawirde dikin bo vê rojê.

Gulfiroş Hemin Pîrmam ji Rûdawê re diyar ku wî ji bo roja Valentineyê 450 hezar gul ji derveyê Kurdistanê xwestine û got: “Em ji beşek bajarên Iraqê re jî gulan dişînin. Me bi bihayê 550 hezar dolar 450 hezar gul kirrin.”

Li Herêma Kurdistanê sê kompaniyên mezin bazirganiya gulên hawirdekirî dikin. Hersê kompanî tenê ji bo roja evîndariyê milyonek û 350 hezar gul hawirde dikin wate ji Herêma Kurdistanê bo gulan milyonek û 650 hezar dolar derdiçe.

Karsazî Kurd diyar kir ku wî par di meha cotmehê de dest bi çandiniya gulan kiriye û piştî salekê dê ji sedî 40 pêwîstiya Herêma Kurdistanê ya gulan pêk bîne.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger