Hewlêr (Rûdaw) - Li Tirkiye û Bakurê Kurdistanê hejmara kesên bêkar meha nîsana îsal li gorî meha adarê, 275 hezar kes zêde bû û rêjeya bêkariyê di nav ciwanan de jî gihişt ji %25.6.
Saziya Amaran a Fermî ya Tirkiyê (TUIK) amarên bêkariyê li bajarên Tirkiye û Bakurê Kurdistanê aşkere kirin.
Li Tirkiye û Bakurê Kurdistanê hejmara kesên bêkar bû 4 milyon û 511 hezar kes. Rêjeya kesên bêkar di meha Nîsanê de li gorî meha Adarê ji sedî 0.9 bilind bû û bi vê yekê rêjeya bêkariyê jî bû ji sedî 13.9.
Li gorî amarên ji aliyê Saziya Daneyên Fermî TUIKê, di meha Nîsana îsal li gorî Meha Adarê li Tirkiyê û Bakurê Kurdistanê rêje û hejmara bêkariyê zêde bûye.
Li gorî dawî amaran hejmara bêkaran gihişt 4 milyon û 511 hezar kesî û rêjeya bêkariyê jî ji sedî 13.9 e û tenê di nava mehekê de 275 hezar kes bêkar mane.
Li gorî amarên TUIKê rêjeya bêkariyê di nav ciwanan de (kesên di navbera temenê 15- 24 salî) di meha nîsanê de ji sedî 0.1 zêde bûye û rêjeya bêkariyê di nav ciwanan de bûye ji sedî 25.6.
Li gorî amaran di meha nîsanê de li gorî meha adarê di sektora çandinîyê (cotkarî û ajeldarî) 62 hezar kes, di sektora bînasaziyê de 9 hezar kes, di sektora pîşesaziyê de 212 hezar kes, di sektorên xizmetguzariyan de 52 hezar kesan karên xwe ji dest dane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse