Hewlêr (Rûdaw) - Li Parêzgeha Urmiyê ya Rojhilatê Kurdistanê, Rêveberê Çandiniya Kela Xwê ango Xoy ragihand, îsal ji baxên wê qezayê zêdetir ji 20 hezar ton gêlas û wîşne (albalû) hatiye berhemanîn.
Elî Esxer Emînî ragihandiye, li hezar û 220 hektar ji erdên çandiniyê yên Xoyê baxên wîşne û li 3 hezar û 100 hektarên din jî baxên gêlasê hene û ragihand, bi giştî îsal li Xoyê 20 hezar ton gêlas û wîşne hate berhemanîn.
Emînî diyar kir, buhayê berhemên gêlas û wîşne yên wê qezayê derdora 122 milyar tûmenê Îranê ye û tekez kir, Kela Xwê di berhemanîna wîşne de li ser asta parêzgeha Urmiyê yekem e.
Rêveberê Çandiniya Kela Xwê destnîşan kir, %30 ji gêlas û wîşne yên berhemhatî, li sînorê wê qezayê tê bikaranîn û ji %70ê din ên wan berheman jî bo Tirkiyê, Azerbaycan, Herêma Kurdistanê û Iraqê tê hinardekirin.
Elî Esxer Emînî herwiha got, di demsala çinîna berhemên baxên gêlas û wîşne yên Kela Xwê de, di her hektarek bax de derfeta kar bo 60 kesan çêdibe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse