Elektrîk ji sedî 25 hat bihakirin

Hewlêr (Rûdaw) - Li Tirkiye û Bakurê Kurdistanê, elektrîka malan ji sedî 25 û elektrîka çandiniyê ji sedî 12,4 hat bihakirin.

Saziya Sererastkirina Bazara Enerjiyê (EPDK) doh ragihand ku ji 5ê Nîsanê û pê ve elektrîka malan ji sedî 25, elektrîka saziyên hikumî û ya sektora taybet ji sedî 15, elektrîka sektora pîşesaziyê ji sedî 10 û elektrîka sektora çandiniyê ji sedî 12,4 hatiye bihakirin.

Gaza xwezayî jî hat bihakirin

Kompanyaya Veguhastina Petrol û Xetên Boruyan (BOTAŞ) ragihand ku ji meha Nîsanê û pê ve gaza xwezayî ya ji bo sektora pîşesaziyê ji sedî 20 û ji bo santralên hilberîna elektrîkê ji sedî 24,2 hatiye bihakirin.

Gaza xwezayî ya ji bo malan nehat bihakirin.

Aboneyên malan mehane ji bo hezar sêca gaza xwezayî 5 hezar û 631 lîreyên Tirkî ku dike nêzîkî 150 dolarên Amerîkî didin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger