Rojane 500 barhilgir di deriyê Perwîzxan re derbas dibin

Hewlêr (Rûdaw) – Vekirina herdû deriyên sînorî yên Hacî Omeran û Perwîzxan liv û tevgerek xiste sektora bazirganiya Herêma Kurdistanê. Di roja yekem a vekirinê de, tenê di deriyê Perwîzxanê re 500 barhilgir û 35 geştiyar derbas bûne.

Bû 79 roj herdû deriyên Perwîzxan û Hacî Omeran girtî bûn û ji ber vê yekê Herêma Kurdistanê 42 milyon dolar zirar kiriye.

Li gor zanyariyên xelkê wê deverê, debara nêzîkî 20 hezar malbatan li ser deriyê sînorî yê Perwîzxan e û bi vekirina deriyên sînorî, ew jî cardin dest bi kar kirin.

Di 15ê Cotmeha 2017an de deriyê sînorî yê Perwîzxan ji aliyê Îranê ve hate girtin û piştî wê jî deriyê Hacî Omeran hate daxistin. Ev jî bû sedema wê yekê ku bazirganî û hawirdekirin raweste. Herwiha gelek welatî jî ji ber girtina deriyên sînorî, geştiyarî û pêwendiyên wan ên bi Îranê re qut bû û gelek kesên ku ji bo dermankirina nexweşiyên xwe diçûn Îranê ji çareseriyên pizîşkî bêpar man.

Nivîsîn: Îlyas Aslanhan

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger