Hewlêr (Rûdaw) - Şaredariya Bajarê Mezin a Amedê, bêyî rizamendiya wan 45 karker xanenîşîn kirin. Karker ji biryara Şarederiyê nerazî ne û bi gotina Serokê Sendîkaya Genel-Îş a Amedê, karker dê li dijî vê biryarê û ji bo vegerin ser karê xwe, dê serî li dadgehê bidin.
Li gor medyaya Tirkiyê Serokê Sendîkaya Genel-Îş a Şaxa Amedê Kamuran Taş ragihandiye, ew karkar bi awayekê ne hiqûqî û bêyî bêne agahdarkirin, hatine xanenişînkirin.
Kamuran Taş gotiye: “45 karker bêyî bo wan agahî hatibe dayîn hatine xanenîşînkirin. Karker dema sibê diçin kar, ji wan re tê gotin, `hûn hatine xanenîşînkirin, êdî neyên kar`. Ev bêhiqûqî ye. Xanenîşînkirina karkeran ji aliyê civakî û psîkolojîk bandor li wan kir.”
Taş diyar kiriye: “Li gor yasayê, bo xanenîşînkirina karkererekî ku 3 sal xebitiye, pêwîst e berî 8 hefteyan bê agahdarkirin. Xwediyê kar yasa binpêkiriye. Ev kiryara bêhiqûqî ye. Şaredarî li şûna karkerên hatine xanenîşînkirin, dê kesên nêzîka xwe werbigre kar.”
Serokê Sendîkaya Genel-Îş a Şaxa Amedê destnîşan kiriye: “Salek zêdetire zext li wan dihat kirin û hevalên me bi zorê hatin xanenîşînkirin. Em dê serî li dadgehê bidin. Lê li gor me bihîstiye dibêjin, eger dadgehê qezenç bikin jî em karkeran careke din wernagrin kar.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse