وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

رۆژهەڵاتی ناوەڕاست

رووسیا بۆ دەرگای دەرچوون لە سووریا دەگەڕێت

لەلایەن رووداو 11/1/2017
مۆسكۆ نایەوێت لە زەلكاوی جەنگی سووریادا بچەقێت
مۆسكۆ نایەوێت لە زەلكاوی جەنگی سووریادا بچەقێت

رووداو- هەولێر

رۆژی 6/1/2017، ڤالەری گێراسیمۆڤ، فەرماندەی گشتیی هێزەكانی رووسیا، لە لێدوانێكدا بۆ ئاژانسی هەواڵی رووسیا (تاس) رایگەیاند، رووسیا هێزی سەربازیی خۆی لە سووریا كەم دەكاتەوە. بۆ ئەم مەبەستەش یەكەم هەنگاو لە كشاندنەوەی كەشتیی فڕۆكەهەڵگری رووسیا لە دەریای نێوەڕاست دەست بە پرۆسەی كشانەوە دەكات كە بە گوتەی فەرماندەی هێزەكانی رووسیا لە سووریا "ئەركەكانی خۆی جێبەجێ كردووە".

پێشتر ڤلادیمیر پوتین، سەرۆكی رووسیا، لە كاتی راگەیاندنی ئاگربەستی نێوان حكومەت و ئۆپۆزیسیۆندا ئاشكرای كردبوو، لە چوارچێوەی ئاگربەستی نێوان حكومەتی سووریا و ئۆپۆزیسیۆنی ئەم وڵاتەدا رێككەوتوون كە حزووری سەربازیی رووسیا لە سووریا كەمتر بكرێتەوە. ئەم هەنگاوەی رووسیا رەنگە سەرەتای دەركەوتنی روئیای ئێران و رووسیا سەبارەت بە داهاتووی سووریا و ئەسەد بێت.

ئەگەرچی تاران و مۆسكۆ لە كۆنترۆڵكردنی حەلەب لەلایەن هێزەكانی لایەنگری رژێمی سووریاوە رۆڵێكی كاریگەریان هەبووە و سەرمایەیەكی دارایی و سەربازیی زۆریشیان تێدا خەرج كردووە، بەڵام لە پاش كۆنتڕۆڵكردنی حەلەب بەرە بەرە جیاوازیی روئیا و ئامانجی ستراتیژیی ئێران و رووسیا سەبارەت بە داهاتووی قەیرانی نێوخۆیی سووریا زەقتر دەردەكەوێت.

بەگوێرەی شرۆڤەیەكی ناوەندی ستراتفۆر كە ناوەندێكی ئەمریكیی تایبەت بە توێژینەوەی ستراتیژییە، جیاوازیی زۆر دەبینرێت لەنێوان ئێران و رووسیا سەبارەت بە ئاستی پابەندبوونیان بە هاوكاریكردنی هێزەكانی لایەنگری بەشار ئەسەد. رووسیا هێندەی تاران پابەندی هاوكاریكردنی هێزەكانی لایەنگری ئەسەد نییە. هۆكاری ئەم جیاوازییەش بۆ ئەوە دەگەڕێتەوە كە ئێران و رووسیا دوو ئامانجی ستراتیژیی جیاوازیان لە سووریا هەیە.

رووسیا هەوڵ دەدات پێگەی خۆی لە سووریا بەهێزتر بكات، بەمەش پێگەی نێودەوڵەتیی خۆی بەرزتر بكاتەوە، هەروەها هەڕەشەی چەكدارە توندڕەوەكان لەسەر وڵاتەكەی كەم بكاتەوە و دواجاریش وەكوو كارتی گوشار لەدژی ئەوروپا بەكاری بهێنێت، بە تایبەتیش لە دانوستاندنەكانی تایبەت بە قەیرانی رۆژهەڵاتی ئۆكراینا و نیمچەدوورگەی كریمیا.

بەگوێرەی شرۆڤەی ناوەندە ئەمریكییەكە، لای ئێرانییەكان جەنگی سووریا بەرەیەكی گرنگە كە تێیدا ئێران جەنگی مان و نەمانی خۆی دەكات، چونكە ئەم جەنگە كاریگەری لەسەر ئاسایشی جیۆپۆلیتیكی ئێران هەیە. هەر بۆیە ئێران سوورە لەسەر ئەوەی رژێمی ئەسەد "سەركەوتنێكی سەربازیی تەواو لە سووریا تۆمار بكات" بەڵام رووسیا حەز ناكات لە جەنگێكدا بێت كە دیار نییە كەی كۆتایی دێت، لە كاتێكدا تەنانەت دوای كۆنترۆڵكردنی حەلەبیش دیار نییە جەنگی نێوخۆیی سووریا كەی كۆتایی دێت.

بە گوێرەی لێكدانەوەی ستراتفۆر "مۆسكۆ نایەوێت لە زەلكاوی جەنگی نێوخۆیی سووریادا بچەقێت، وەك چۆن ئەمریكا لە جەنگی عێراقدا چەقیوە"، ئەمە جگە لەوەی "درێژبوونەوەی لەڕادەبەدەری جەنگەكە دەكرێ ئەو گومانە لەسەر سوپای رووسیا دروست بكات كە توانای یەكلاكردنەوەی قەیرانەكەی نییە".

بۆیەش رووسیا لە جیاتی بیركردنەوە لە بەشدارییەكی درێژخایەن لە جەنگی سووریادا، هەوڵ دەدات هەر چۆنێك بێت لە رێگەی دانوستاندنەوە لایەنە ناكۆكەكان لە یەكدی نزیكتر بكاتەوە، بۆ ئەم مەبەستەش خۆی لە توركیا نزیك كردووەتەوە، بۆ ئەوەی بە هاوكاریی ئەوان و لە رێگەی پەیوەندی ئەنقەرە و ئۆپۆزیسیۆنی سوننەی عەرەب و توركمانی سووریاوە رێگە بۆ چارەسەرێكی ئاشتیانە خۆش بكات كە لە هەمانكاتدا رێگەی دەرچوونی رووسیا لە زەلكاوی جەنگی سووریاشە.

هەڵبەت لە چەند مانگی رابردوودا ئێران و میلیشیا شیعەكانی ژێر چاودێریی سوپای قودسی ئێران هاوبەشێكی بێ كێشە نەبوون بۆ رووسیا، بۆ نموونە كاتێك ئەنقەرە و مۆسكۆ لەسەر گواستنەوەی چەكدارانی ئۆپۆزیسیۆن بۆ دەرەوەی حەلەب رێككەوتن، ئێران فەرمانی بە میلیشیا شیعەكان دابوو رێگە بە دەرچوونی چەكدارانی ئۆپۆزیسیۆن نەدەن، ئەوكات ئێران دەیویست هەڵگرتنی گەمارۆی سەر گوندەكانی فواع و كفریە بخرێتە نێو پلانەكەی مۆسكۆ و ئەنقەرەوە.

تەنانەت یەكێك لە هۆكارەكانی شكستی رێككەوتنی ئاگربەستی مانگی ئەیلول بە ناوبژیوانیی ئەمریكا و رووسیاش هەر چەكدارانی ژێر چاودێریی سوپای قودس بوون كە لە پاڵ كۆمەڵێك گرووپی چەكداری ئۆپۆزیسیۆن، ئامادە نەبوون پابەندبن بە ئاگربەستەكە.

خاڵێكی دیكە كە ناوەندی ستراتفۆر ئاماژەی بۆ دەكات ئەوەیە "كاریگەریی بڕیارەكانی رووسیا بەسەر حكومەتی سووریاوە لەوەی ئێران كەمترە". هۆكاری سەرەكی ئەمەش بۆ ئەوەی دەگەڕێتەوە كە ئێران هاوكاریی دارایی، سەربازی و دیپلۆماسیی زۆر گەورەتری پێشكەش بە رژێمی ئەسەد كردووە. بۆ نموونە هەزاران میلیشیای شیعەی بۆ پاڵپشتی هێزەكانی لایەنگری ئەسەد لە وڵاتانی جیاجیا كۆكردووەتەوە.

کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

حبيب مستەفا | 16/01/2017 09:40:36 ص
١.دەکریت نمونەیەک بدەیت لە مێژووی کورد سەبارەت بە یەکگرتنی لایەنەکان، ٢. پیم باشە بەشداری کورسی زمانی کوردی بکەیت بو باشتر نوسین،
رۆژئاوا لەسەر كەلی شەیتان
| 16/1/2017 | (1)
ره شید | 15/01/2017 04:47:45 م
تویژینه وه یه کی ئه مریکی ئه م راستیه ده ر ده خات که هیندیک له ئافره تان وه ختیک له لایه ن میرده که یانه وه توند و تیژیان له گه لدا ده کری له م توند...
عامر بۆتانی | 16/01/2017 06:53:24 ص
حکومەت هەڵسا بەدانانی ئەو یاسایە بۆ رازیکردنی کۆمەڵگەی نێودەڵەتی بەڵام بێ رەچاوکردنی کلتور و دابونەریت و تایبەتمەندی ئافرەتانی هەرێم. واتا ئەو یاسایە...
ژنان بۆچی دەردەدڵیان دەشارنەوە؟
| 14/1/2017 | (2)
Azad Azad | 15/01/2017 05:14:44 م
كوردستان داگیركاری زۆر زۆره‌ و جۆر جۆره‌ جۆره‌كانیشی شینه‌و سووره‌ و بۆره‌...... كوردیشی تیایه‌ له‌م جۆر و زۆر بۆره‌.......!!!!!!
رەحمان ئەحمەد | 15/01/2017 09:47:26 م
بەخوا دەنگ و باسەکي خراپە.کورد چيترتاقەتي براکوژي نيە.
پەکەکە بەرپرسێکی هێزی پێشمەرگە دەستگیر دەکات
| 14/1/2017 | (3)
karwan | 15/01/2017 09:47:02 م
هێشتا زووه بۆ ئه م کاره گه نده ڵی گه یشته سه رئێسقانیان میڵه ت هه موو شێت بوون ،هه زاره ها خه ڵک ماڵ وێران بوو،سه ده ها خه ڵک خۆی کوشت ،هه زارها خه...
لیژنەیەك بۆ جووڵاندنی كەیسەكانی گەندەڵی پێكهێندرا
| 15/1/2017 | (1)

لە بەشەکانی دیکەی رووداوەوە

تاعوون 27 كەس لە مەدەغەشقەر دەكوژێت 13 خولەک لەمەوبەر |

تاعوون 27 كەس لە مەدەغەشقەر دەكوژێت

تاعوون لە مێژوودا كارەساتی گەورەی ناوەتەوە زۆرتر
فیلمی دانیشتووانی عەلیاوا بە سپۆنسەری رووداو نمایش دەکرێت 37 خولەک لەمەوبەر |

فیلمی دانیشتووانی عەلیاوا بە سپۆنسەری رووداو نمایش دەکرێت

لە رۆژی 26ی ئەم مانگە نمایشەکە دەستپێدەکات زۆرتر
 وردەکاری سیستەمی نوێی پێبژاردنی سزاکانی هاتووچۆ 1 کاژێر لەمەوبەر |

وردەکاری سیستەمی نوێی پێبژاردنی سزاکانی هاتووچۆ

کارکردن بە چەند رێنماییەک راگیراوە زۆرتر
0.297 seconds