Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

كوردى | Kurdî | English
Rudaw

Kurdistan

Li Tirkiyê, Partiya Demokrat a Kurdistanê tê avakirin

Ji aliyê MAŞALLAH DEKAK 21/11/2013
Sertaç Bûcak
Sertaç Bûcak

 

Amed (Rûdaw) - Berdevkê Platforma Demokratên Kurd (PDK) Sertaç Bûcak, aşkera kir ew ê di pêşerojê de partiyeke bi navê PDKê li Tirkiyê ava bikin û di qada siyasetê de cihê xwe bigrin. Bûcak, da zanîn ew dixwazin Leyla Zana û hinek siyasetmedarên din ên naskirî jî bixin nava refên xwe.

Di serî de BDP, gellek partiyên ku li ser nifûsa kurdan siyasetê dikin, hatin avakirin. HAK-PAR, KADEP, OSP jî di vê qadê de ne. Însiyatîfa Azadiyê û DDKD jî hewl didin bi dengê xwe têkevin nava siyasetê. Li van partî û fraksiyonan partiyeke nû jî zêde dibe. PDK’a ku niha weke platform bi rê ve diçe, dê hewl bide bi partiyê têkeve qada siyasî.

Partiya Demokratên Kurdistanê (PDK), bi Platforma Demokratên Kurd dest bi xebata siyasî kir. Platforma ku berdevkiya wê siyasetmedar Sertaç Bûcak dike, dê di pêşerojê de veguhere partiyeke siyasî.

Sertaç Bûcak, derheqê vê yekê ji Rûdawê re axivî û da zanîn ku ew ê partiya xwe li ser rêbaza Mela Mistefa Barzanî li welat xurt bikin. Di çapemeniyê de hate nivîsandin ku dê endamê berê yê rêveberiya PKKê Nîzamettîn Taş û Parlamentera serbixwe ya Amedê Leyla Zana jî di nava PDK’ê de siyaset bikin lê Berdevkê PDK’ê Sertaç Bûcak, aşkera kir Nîzamettîn Taş û Leyla Zana ne bi wan re ne lê ger ji destê wan bê ew dixwazin Leyla Zana jî qezenç bikin û bixin nava refê xwe.

Bûcak, wiha axivî:  “Em li ser rêya nemir Barzanî dimeşin. Di salên 65’an de PDK’a Tirkiyê hebû. Lê ew partî belav bû û nema. Niha em PDK’a nû li ser wê trajîsyonê, li ser wê rêbazê careke din vedijînin. Em ê hewl bidin bereya xwe berfireh bikin. Ji destê me bê em ê hemû kurdan qezenç bikin. Em dixwazin xûşka Leyla jî û siyasetmedarên din jî qezenç bikin. Jixwe armanca me bihêzkirina vê eniyê ye.”

Sertaç Bûcak, da zanîn dema şert û merc guncaw bibin û ew wê hêzê di xwe de bibînin, ew ê bi awayeke qanûnî PDK’ê li Tirkiyê ava bikin û bi rengê xwe, bi dengê xwe dest bi siyaseteke nû bikin.

Partiya Demokrat a Kurdistana Tirkiyê (PDKT) 11ê Tîrmeha 1965an hat avakirin. Faîk Bûcak (bavê Sertaç Bûcak) bû serokê wê partiyê. Armanca PDKa Tirkiyê xweserî bo kurdan bû. Faîk Bûcak 4ê Tîrmeha sala 1966an li nêzîkî bajarê Rihayê rastî êrişa çekdarî hat û jiyana xwe ji dest da. Partiyê di çaremîn kongreya xwe ya sala 1991an de navê xwe kir Partiya Demokrat a Kurdistanê (PDK). PDKê di kongreya sala 1992an de ku bi tevgerên mîna Platforma Yekitiya Ala Rizgarî, Platforma Yektiya Netewî û hinek kadroyên veqetiyayî yên Rizgariyê re li dar xist, navê xwe danî Hevgirtin-PDK û di kongreya sala 1994an de jî navê wê partiyê bû PDK-B    aûr.

Şîrove

 
Mêrdin Kurdistani
Mêrdin Kurdistani | 21/11/2013
Em bi lez li bendene. Biji partîya serxwebunxwaza Kurdistan
Nîşankirin :
Çap bike E-mailê ji bo hevalên xwe bişîne
Babetê tomar bike
2470 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Laven | 13/07/2014 2:09:02 AM
Esta agr kewtewa la berdendixan le gereky kany tw
Laven | 13/07/2014 2:09:03 AM
Esta agr kewtewa la berdendixan le gereky kany tw
Îran: Eger Kurdistana Iraqê hewla serxwebûnê bide têkiyên me dê sar bibin
| 11/5/2014 | (8)
xwînrêj.. | 12/07/2014 11:23:53 AM
niheqeq şehid nemirin.... biji pêşmeregeyên qehreman... wan kûçika bikujin bavên cehennema kera...
Çekdarên DAÎŞê di bin dorpêça pêşmerge de ne
| Duh vî demî 01:53 | (1)
bavê ristêm | 12/07/2014 10:20:27 AM
muxalefeta kurdê sûri, wê bibêje em xeta PYD'ê naparêzin lewma parastina kobanê jî ne kare meye. vellehî ev tirsonekî ye. sibe şer nemine wê bejin em...
Botan | 12/07/2014 10:34:39 AM
Ci keyfa we te,ku dais biserbikeve,hine li quna xwe bidin,ji eska,iro kobani bidest bixin sibe dora hewlere xweliserno,
DAÎŞê gundê Çil Oxlî li rojavayê Kobanî kontrol kir
| Duh vî demî 12:51 | (3)
Baran | 11/07/2014 8:54:22 PM
Birazava xema mine, û es dê parê zirnabêja û dihoiqota jî dem.Dîlan, dilana kurdu erebane dê werne vê dîlanê.
Roni | 12/07/2014 8:09:44 AM
Wexta DAIŞê êrîşî Musulê kir, şervanên YPG/YPJ li gel Pêşmergan li gel çetan şer kir. Lê hezar carî mixabin PDK hemû sînor girtine û herwisa bi rêz...
Li Kobanê YPG û DAIŞ dîl û cenazeyên xwe pev diguherin
| Duh vî demî 09:47 | (3)
0.515 seconds